“Pastrojmë Shqipërinë që duam” këtë fundjavë në Shkodër/ Ministri Klosi, apel qytetarëve

18 Janar 2018, 18:46, Aktualitet CNA

?Shkodra asht dashni dhe meriton dashni?, kështu shkruan ministri i Turizmit dhe Mjedisit, Blendi Klosi në një postim në rrjetet sociale ku lançon aksionin e tij të radhës ?Pastrojmë Shqipërinë që duam?.

?Edhe 2 ditë për të filluar aksionin tonë të pastrimit, rehabilitimit e gjelbërimit dhe Shkodër Lokja është ngritur e giitha në këmbë. Dhurohen fidanë nga qytetarë, punohet për hapjen e gropave nga vullnetarët e EKO Mendje, strukturat tona vendore dhe shumë institucione të tjera publike e private.? – shprehet Klosi teksa paralajmëron se aksioni do të zhvillohet në datat 20-21 janar.

Ministri Klosi në postimin e tij jep detaje për aksionin dyditor duke konkretizuar ndërhyrjen për pastrimin e liqenit dhe lumenjve Buna dhe Kir.

?Të shtunën & të dielën, më 20 – 21 Janar pastrojmë të gjithë bashkë liqenin e Shkodrës, lumin Buna dhe Kir, e më pas japim kontributin tonë për pyllëzimin e Taraboshit me mbi 5700 pisha, gështenja dhe pemë dekorative. Sepse Shkodra, siç e thonë vetë banorët e saj, bukur dhe saktë ?Asht Dashni?. Dhe kjo dashni ka nevojë për dashninë, punën e kontributin e secilit që të jetë e pastër dhe plot gjelbërim e ngjyra.?

Ministri Klosi e mbyll statusin e tij me një apel për të gjithë qytetarët, organizatat, institucionet dhe bizneset që të përfshihen në aksion sepse ?Kjo është nisma JUAJ, dhe më të bukur e më të vërtetë se ju, askush nuk mund ta bëjë!?- shkruan Klosi.

Statusi i plotë i ministrit Klosi

Shkodra asht dashni dhe meriton dashni!
Edhe 2 ditë për të filluar aksionin tonë të pastrimit, rehabilitimit e gjelbërimit dhe Shkodër Lokja është ngritur e giitha në këmbë.
Dhurohen fidanë nga qytetarë, punohet për hapjen e gropave nga vullnetarët e EKO Mendje, strukturat tona vendore dhe shumë institucione të tjera publike e private.
1 mijë fidanë i dhuruam ne, por shumë më shumë kanë dhuruar e dhurojnë qytetarët me pasionin dhe dashurinë e tyre për natyrën.
Të shtunën & të dielën, më 20 – 21 Janar pastrojmë të gjithë bashkë liqenin e Shkodrës, lumin Buna dhe Kir, e më pas japim kontributin tonë për pyllëzimin e Taraboshit me mbi 5700 pisha, gështenja dhe pemë dekorative. Sepse Shkodra, siç e thonë vetë banorët e saj, bukur dhe saktë ?Asht Dashni?. Dhe kjo dashni ka nevojë për dashninë, punën e kontributin e secilit që të jetë e pastër dhe plot gjelbërim e ngjyra.
Ndaj ju ftojmë të gjithëve; qytetarë, organizata, shkolla, ndërmarrje, institucione që nuk jeni përfshirë deri tani, të bashkoheni me ata që tashmë kanë filluar punën. Të dhuroni fidanë e t?i mbillni, të punoni për mjedisin e pastër, për shëndetin dhe turizmin që Shkodra MERITON.
Kjo është nisma JUAJ, dhe më të bukur e më të vërtetë se ju, askush nuk mund ta bëjë!