web counter
LEXO PA REKLAMA!

SHKARKO APP

App Store
Google Play

E fundit!

x

Avokati arrestohet për mashtim/ Policia jep detajet

18 Janar 2018, 16:55, Aktualitet CNA

Policia e Tiranës ka vënë në pranga avokatin Gazmir Xhurxhi, nën akuzën e falsifikimit të dokumenteve dhe fshehjes së të ardhurave.

Nga të dhënat të bërë të ditura nga policia avokati i ka marrë nëpërmjet mashtrimit, shtetasit me iniciale një H.D, vjeç59, banues në Klos një shumë prej 1.700.000 lekë, pasi i ka premtuar se do ta mbronte në një çështje, i ka falsifikuar disa fatura dhe dokumenta.

Qytetari i ka kërkuar t?i rikthejë paratë por sipas tij, avokati nuk ia ka dhënë mbrapsht.

Policia është duke vijuar hetimet, ndërsa avokati Gëzim Xhurxhi ndodhet në ambientet e policisë së Tiranës.

Njoftimi i plotë:

Arrestohet një shtetas me profesion avokat për veprat penale “Mashtrim në shuma të mëdha”, “Fshehje të ardhurave” dhe “Falsifikim i dokumentave”.

Seksioni për Hetimin e Krimit Ekonomik e Financiar në Drejtorinë Vendore të Policisë Tiranë, në bashkëpunim me Prokurorinë e Rrethit Gjyqësor Tiranë, kanë finalizuar me sukses operacionin e përbashkët me metoda speciale të hetimit të koduar ?Avokati?.

Në kuadër të këtij operacioni u bë ndalimi i shtetasit:

G.Xh, 35 vjeç, banues Tiranë, avokat.

Arrestimi i shtetasit të sipërpërmendur u bë për veprën penale ?Mashtrim në shuma të mëdha”, “Fshehje të ardhurave” dhe “Falsifikim i dokumentave” parashikuar nga nenet 143/2, 180 dhe 186 i K.Penal?, pasi; shtetasi G. Xh me profesion avokat, i ka marrë nëpërmjet mashtrimit 1.700.000 lekë, (1.7 miljonë lekë të reja), duke falsifikuar disa fatura dhe dokumenta shtetasit; H. D, 59 vjeç, banues në Klos.

Materialet proçeduriale iu kaluan Prokurorisë pranë Gjykatës së Shkallës së Parë Tiranë, për veprime të mëtejshme. /CNA.al

 

 

 





Lajmet e fundit nga