web counter
LEXO PA REKLAMA!

SHKARKO APP

App Store
Google Play

E fundit!

x

 "The Guardian" zbulon të vërtetën e ndërprerjes së bisedimeve Kosovë-Serbi

16 Janar 2018, 20:29, Aktualitet CNA

Gazeta presticioze angleze ?The Guardian? me anë të një shkrimi të publikuar sot, pas vrasjes së politikanit serb të Kosovës, Oliver Ivanoviç, ka bërë me dije se bisedimet të cilat ishin planifikuar të fillonin sot mes Prishtinës e Beogradit, janë shtyrë për një afat të pacaktuar.

Edhe pse të dy palët e kanë konfirmuar se bisedimet janë shtyrë për shkak se pala serbe është nisur për Beograd, me të marrë lajmin se Ivanoviq ka ndërruar jetë, një burim nga qeveria e Beogradit i ka thënë ?The Guardian? se në të vërtetë, delegacioni është tërhequr  për shkak të deklaratave të fundit të kryeparlamentarit të Kosovës, Kadri Veseli.

Në anën tjetër, ai i cili është caktuar si udhëheqës i bisedimeve me Serbinë, Avni Arifi me anë të një deklarate është shprehur se po qëndrojnë ende në Bruksel dhe se po presin që të vendosin për hapat e mëtutjeshëm.

?Delegacioni serb e ka anuluar takimin menjëherë pas marrjes së lajmit për vdekjen e Ivanoviqit. Ne po qëndrojmë ende ne Bruksel dhe në koordinim me BE-në do të vendosim për hapat e radhës? ka thënë Avni Arifi.

I ashtuquajturi, Drejtori i zyrës për Kosovën, njëherësh edhe përfaqësues i shtetit serb për bisedimet në Bruksel, mes Prishtinës e Beogradit, ka konfirmuar se nuk do të jenë në bisedime për një kohë të pacaktuar, siç thonë ata deri në një vendim të ri nga pala biseduese.

Qenien e kryeparlamentarit të Kosovës, Kadri Veseli, si arsyeja kryesore e ndërprerjes së bisedimeve “The Guardian” e lidh me faktin se gjatë një fjalimi të mbajtur në Akademinë përkujtimore për viktimat e masakrës se Reçakut, ai ka thënë që:  ?Serbia mos ta provon të kthehet, se më nuk do të ndalemi deri në Nish?, deklaratë kjo e cila më pas bëri jehonë të madhe në mediat vendore dhe ato të huaja./ CNA.al





Lajmet e fundit nga