web counter
LEXO PA REKLAMA!

SHKARKO APP

App Store
Google Play

E fundit!

x

Deklarata qesharake e Lulzim Bashës

16 Janar 2018, 21:19, Aktualitet CNA

Ndonëse me rreth 36 orë vonesë, Lulzim Basha, më në fund reagoi për planin e qeverisë për të hequr familjarët e ish të përndjekurve politike nga e drejta e ligjshme dhe morale e dëmshpërblimit.

Në një takim në mbrëmje me disa degë të PD në Tiranë, Basha tha se Arben Ahmetaj dhe Edi Rama do t?u ndërpresin dëmshpërblimin të përndjekurve, kur një ditë më parë i kanë paguar vetës për inceneratorin e Fierit 823 mijë euro.

Por Lulzim Basha me këtë deklaratë nuk bëri asgjë tjetër pos se u bë qesharak në sy të qytetarëve.

Mirë që u kujtua Lulzim Basha të reagojë, por i kujtojmë Lulzim Bashës, se 823 mijë eurot e inceneratorit, janë 18 herë më pak se shuma që vjehrri i tij dhe bashkëpronarët e pallatit të shembur nga Edi Rama në Vlorë, do të marrin pas vendimit të Gjykatës së Strasburgut.

Shuma e dëmshpërblimit arrin në rreth 16.3 milionë euro, shumë kjo që kalon vlerën totale të buxhetit të parashikuar për dëmshpërblimin e ish-të përndjekurve, e cila shkon nga 18-20 miliardë lekë.

Vlera totale që buxheti i shtetit parashikon si dëmshpërblim për ish-të përndjekurit është më pak se 16.3 milionë eurot që do të dëmshpërblehet vjehrri i Bashës, bashkëpronarët e tjerë.

Pse nuk i fal Lulzim Basha këto para të cilat do të duhet të paguhen nga qytetarët? Nëse Rama po përvetëson 823 mijë euro, si mund të ketë gojë Lulzim Basha, kur po përvetëson 18 herë më shumë se kjo vlerë, pra 16.3 milionë euro nga taksapaguesit shqiptarë, të cilët i ka thirrur për të protestuar ndaj qeverisë?

Nëse Edi Rama i përfiton nga inceneratori, Lulzim Basha fiton 18 herë më shumë si bashkëpunëtor i Ramës pas marrëveshjes së 18 majit. /CNA.al





Lajmet e fundit nga