web counter
LEXO PA REKLAMA!

SHKARKO APP

App Store
Google Play

E fundit!

x

Ndreu foli për "tepsi e falanga"/ Reagon LSI: Punësuam edhe gruan tënde...

6 Janar 2018, 21:42, Aktualitet CNA

Deputeti i Lëvizjes Socialiste për Integrim, Endrit Braimllari, ka reaguar pas postimit të deputetit socialist Pjerin Ndreu, postim në të cilin e quajti anëtarët e LSI-së, si falanga pa shkollë.

Braimllari i drejtohet Ndreut duke i thënë se nuk duhet që inatin që e ka me Ramën, ta nxjerrë tek LSI, pasi sipas tij, LSI u ka hap dyert edhe socialistëve të ndershëm të cilëve PS-ja nuk ua kishte hapur.

“I dashur Pjerin,

Inatin që ke me tepsinë e Edi Ramës nuk të ndihmon të shfrysh mllefin tënd tek njerëzit e LSI-së.

Janë të shumtë njerëzit që LSI iu ka dhënë shansin, dhe nuk ka parë bindje politike por është bazuar në vlerat që ata mbartin dhe në respekt të ligjit, kjo edhe për shumë socialistë të ndershëm që nuk iu hapeshin dyert.”, – shkruan Braimllari, teksa përmend edhe personat në fjalë.

“Po të përmend vetëm disa emra që LSI iu dha shansin e që jo vetëm janë të mirë diplomuar jashtë vendit, por janë edhe vlerë për administratën publike.

Z. Kristlen Keri, Znj. Daniela Cekani, Znj. Blerina Ago, Znj. Lindita Sotiri, Eldorado Kice, Aurel Lamçe, etj.”

Më tej ai i kujton Ndreut, se LSI i ka dhënë shancin edhe bashkëshortes së tij, për të qenë shefe finance në Ministrinë e Integrimit.

“Edhe bashkëshortes tënde LSI i dha shansin për të qenë shefe e financës në Ministrinë e Integrimit kur PS i mbyllte derën se ishte bashkëshortja jote dhe unë mendoj që ajo e meritonte.”, – shkruan deputeti i LSI.

Në përmbyllje të reagimit të tij, Braimllari shkruan:

“Nëse të duhet më tepër informacion, si Sekretar i Përgjithshëm i LSI kam dijeni për të gjithë ata që LSI iu dha shansin, por edhe të atyre mijëra nëpunësve që PS i hodhi në rrugë duke shkelur rëndë ligjin e nëpunësit civil dhe i ka zëvendësuar me familjarë të familjeve mafioze.

Përseri, kjo nuk ndryshon respektin që kam për ty.

Të përshendes,

Endriti” /CityNews





Lajmet e fundit nga