E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

"Shtegëtimi" i mjekëve/ 400 të larguar në tre vitet e fundit

6 Janar 2018, 20:18, Aktualitet CNA

Gjatë vitit 2017, sistemin e shëndetësisë e kanë përcjellë shumë probleme, duke u nisur nga mungesa e barnave, mungesa e profesionistëve shëndetësorë e infermierëve, po ashtu edhe ikja e mjekëve nga Kosova për të kërkuar punë e kushte më të mira të punës jashtë Kosovës, frekuenca e madhe e pacientëve në shërbimin terciar – pra në Qendrën Klinike Universitare e shumë probleme të tjera.

Ikja e kuadrove mjekësore është konsideruar si mjaft shqetësuese për vendin, raporton “Rel” që duke ju referuar të dhenave të hulumtimeve të nxjerrë nga Federata Sindikale e Shëndetësisë, citon se për tre vjet nga Kosova kanë ikur rreth 400 mjekë.

Por, çka mbetet edhe më shqetësues është fakti se gjatë intervistimit të njëmijë studentëve, 73 për qind e studentëve të Mjekësisë, kanë deklaruar se po të kenë rastin të punësohen jashtë Kosovës, do ta bënin një gjë të tillë.

?Në perëndim kërkojnë shumë punëtorë shëndetësorë, dhe nga Kosova kanë ikur rreth 400 mjekë, pa i llogaritur infermierët. Kjo mbetet shqetësuese. Dhe, nga intervistimi që kemi bërë, ka dalë se nuk ka qenë fjala vetëm për pagat e ulëta të mjekëve, por e kanë radhitur si të parën mjekët që kanë menduar të ikin jashtë Kosovës, politizimin e shëndetësisë, planifikimin jo të mirë të punësimit dhe edukimit të vazhdueshëm dhe më pas kanë qenë pagat, ato që i shtyjnë të ikin”, bën të ditur Blerim Syla, kryetar i Federatës Sindikale të Shëndetësisë.

Ndryshe, në vitin 2017 në Qendrën Klinike Universitare të Kosovës janë pranuar për punësim rreth 190 mjekë specialistë nga lëmi të ndryshme, derisa kanë mbetur të papunë edhe 70 mjekë specialistë.

Kosova, për t?i përmbushur standardet evropiane, thonë njohësit çështjeve të shëndetësisë, duhet që t?i punësojë në institucionet publike shëndetësore edhe dy mijë mjekë e pesë mijë infermierë, aq sa edhe nevojiten për kokë banori.

Buxheti për shëndetësi ndër vite ka qenë rreth 180 milionë euro, ndërsa për vitin 2018, ky buxhet është paraparë të rritet në 200 milionë.