web counter
LEXO PA REKLAMA!

SHKARKO APP

App Store
Google Play

Qëlluan me armë natën e Vitit të Ri/ Familjarët e tre kushërinjve Lika akuza medias dhe policisë

5 Janar 2018, 10:51, Aktualitet CNA

Familjarët e tre kushërinjve Lika, të arrestuar nga policia në Kurbin, pasi qëlluan me armë zjarri në natën e Vitit të Ri, kanë akuzuar median dhe policinë, pasi sipas tyre po u bëhet padrejtësi tre të rinjve.

Të pranishëm në seancën e zhvilluar ditën e sotme në Gjykatën e Shkallës së Parë në Kurbin, familjarët e tre kushërinjve Lika kanë reaguar për situatën e krijuar.

Gjykata ka dhënë masën e sigurisë arrest me burg për tre kusherinjte, ndersa familjaret akuzojnë mediat dhe policinë se po tentojnë të manipulojnë publikun, pasi dy ngjarjet nuk kanë lidhje me njëra-tjetrën.

?Po i bëni djemtë padrejtësisht kriminelë, mediat dhe policia po manipulojnë?, thanë ata.

Tre kushërinjtë Alban, Ernis dhe Arbër Lika kanë dalë në seancë gjyqësore për vlerësimin e masës së sigurisë ndaj tyre.

Tre të rinjtë u ndaluan nga policia në 2 janar, pasi dyshohet se pak minuta pas ndërrimit të viteve kanë qëlluar me armë zjarri në qytetin e Laçit.

Po në atë kohë, në Kurbin mbeti i vrarë 16-vjeçari Klejdi Gjeta. Adoleshenti kishte hipur në tarracën e shtëpisë për të parë fishekzjarrët, por disa minuta më pas është gjetur nga familjarët e tij, i vrarë me plumb në kokë./ CityNews





Lajmet e fundit nga