web counter
LEXO PA REKLAMA!

SHKARKO APP

App Store
Google Play

E fundit!

x

Padia e Veliaj ndaj Krajës/ Reagojnë këshilltarët e djathtë

5 Janar 2018, 10:16, Aktualitet CNA

Grupi i këshilltarëve të djathtë në Bashkinë e Tiranës, ka reaguar pas padisë së Veliajt ndaj Akil Krajës, pasi ky i fundit e akuzoi se rritja me 40% e çmimit të ujit është bërë për qëllime korruptive.

Në një deklaratë për shtyp, kryetari i këshilltarëve të PD, Kreshnik Çollaku përsërit deklaratën e Akil Krajës, ndërsa u shpreh se dhuna dhe persekutimi vetëm e forcon opozitën.

Kreshnik Çollaku dhe Akil Kraja dolën sot para medias në grup  duke e denoncuar dhe theksuar edhe njëherë, se vendimi për ujin ishte i manipuluar dhe i korruptuar.

?Rritja me 40% e çmimit të ujit është një akt kriminal, e cila u bë me vota të manipuluara. Rritja e cmimit të ujit mban erë korrupsion?- u shpreh ndër të tjera Çollaku.

Gjithashtu Çollaku tha se ?Jemi paditur se kemi kryer detyrën tonë, të cilën na e kanë mandatuar qytetarët e Tiranës. Nëse mendoni se me dhunë do na trembni e keni gabim. Nuk e njihni ADN-në e demokratëve. Dhuna dhe persekutimi vetëm na motivojnë dhe forcojnë?.

Ndersa Kraja u shpreh se “Një turbullim të padrejtë të gjendjes shpirtërore. E ripërsëris, një turbullim të padrejtë të gjendjes shpirtërore. Ky është dëmi që i është shkaktuar kryetarit të bashkisë së Tiranës, Erion Veliaj, në vijim të një deklarate publike ku në detyrën tonë si këshilltar bashkiak, ne denoncojmë rritjen me 40% të çmimit të ujit të Tiranës.

Deklaratë e cila është në vijim të deklaratave të shumta repetitive, propagandistike, të gënjeshtërta të Erion Velisë ku ai premton që çmimi nuk do të rritet dhe çmimi rritet për ujin. Ku ai premton që çmimi i biletave të autobusit nuk do të rritet dhe çmimi i biletave të autobusit u rrit. Ku ai premton moratorium për ndërtimet dhe sot e dimë çfarë po ndodh në Tiranë. Kjo deklaratë e 15 nëntorit 2017 kishte vetëm një qëllim, për të sensibilizuar qytetarë të Tiranës për mundësinë e një afere tjetër, atë të privatizimit të UKT-së e cila mund të  ishte burimi kryesor e cila mund të justifikonte këtë rritje të beftë, të  pa komunikuar më parë, mbi të gjitha në kundërshtim të hapur publikë me vetë premtimet dhe deklaratat e Erion Velisë. Kështu që më mirë se faktet, çdo fjalë do të ishte e tepërt dhe ne sot përfitojmë nga pjesëmarrja e mediave këtu prezentë, për të rindarë një nga dhjetëra, qindra deklaratat fotokopjuese, të gënjeshtërta, propagandistike  të kryetarit të bashkisë, Erion Veliajt, ku ai thotë në mënyrë publike që po negocion privatizimin e UKT-së, por që çmimi i ujit nuk do të rritet.

Çfarë ndodhi?! Çmimi i ujit u rrit. Privatizimi nuk e dimë, është në drejtim të paditur” / CityNews





Lajmet e fundit nga