web counter
LEXO PA REKLAMA!

SHKARKO APP

App Store
Google Play

E fundit!

x

Basha tradhëton protestuesit

4 Janar 2018, 15:07, Aktualitet CNA

Lulzim Basha thirri protestë, por protestuesit i la në mëshirë të fatit.

Protesta u zhvillua më 18 dhjetor 2017, ndërkohë ditët e fundit, disa protestues janë ndaluar nga Policia.

Lulzim Basha është mjaftuar vetëm me një deklaratë në rrjete sociale,  nga Hollanda ku po kalonte pushimet e radhës.

Në vend që të shkonte vetë tek Ministria e Brendshme dhe tek dera e komisariatit të Policisë bashkë me deputetët, ai  zgjodhi të rrinte në shtëpinë e tij të ngrohtë holandeze, duke harruar se qytetarët dolën për të protestuar për të.

Por, ai i ?shpërbleu? me një deklaratë nga rrjetet sociale dhe këtu mbyllet gjithçka.

Për më tepër dhe me atë deklaratë nuk dilte në mbrojtje dhe në krah të protestueve, por kryefjalë kishte kryeministrin Edi Rama.

Asnjë fjalë nuk tha se si do të dilte në mbrojtje të tyre dhe çfarë do bënte për ta, në rrezik burgu, apo të fliste për përgjegjësitë që ai kishte  ndaj tyre.

Ishte Basha që i kishte thirrur ata në protestë, ishte Basha që iu kërkonte të mësynin Kuvendin, mirëpo nga këto detaje i ka fshirë nga koka e tij.

Pasi hapësirën më të madhe të memorjes së tij e zë marrëveshja me Ramën dhe inskenimet prej të cilave përfiton klientela e tij familjare.

?Burgosja e qytetarëve nuk e shpëton dot Edi Ramën. Burgu është vendi për trafikantët, bashkëpunëtorët e krimit në pushtet, për të korruptuarit që Edi Rama po bën gjithçka për t?i mbrojtur?, shkruante Basha nga Hollanda, duke u tallur kështu hapur me ata që dolën ta mbështesnin në protestë.

Pyetja shtrohet se për çfarë arsye duhet të ndjekin njerëzit nga pas Lulzim Bashën që të shkojnë e të luftojnë për të dhe ai t?i tradhëtojë?/CityNews

 

 

 

 





Lajmet e fundit nga