web counter
LEXO PA REKLAMA!

SHKARKO APP

App Store
Google Play

Show i Policisë së Shtetit/ Riemërohen të shkarkuarit e Elbasanit

4 Janar 2018, 14:24, Aktualitet CNA

Zyrtarët e policisë së Elbasanit, të cilët u shkarkuan  më 19 tetor 2017, nga Drejtori i Përgjithshëm i Policisë Haki Çako janë  rikthyer sërish  në Policinë e Shtetit.

Sharkimi i tyre u reklamua si reagim i struktuarave të larta të Policisë dhe Shtetit dhe Ministrisë së Brendshme, në lidhje me  ngjarjen e 18 shtatorit, ku një makinë e blinduar goditi makinë e policisë, duke nënvizuar se ishte cënuar  imazhi për punë i Policisë së Shtetit.

Por gjithçka duket se paska qenë show, dhe me të rënë në qetësi rasti, është marrë vendimi për të emëruar zyrtarët që u shkarkuan nga Haki Çako.

(CNA)CityNews Albania ka mësuar lëvizjet e fundit në Policinë e Shtetit dhe konkretisht  postet dhe qarqet ku do të emërohen të shkarkuarit e Elbasanit.

Arben Dashi i  cili  ka mbajtur postin e Drejtorit të Policisë të Qarkut  të Elbasanit është transferuar në Drejtorinë e Përgjithshme të Policisë.

Gjergji Oshafi i cili më herët u shkarkua nga posti i  Zv/Drejtorit të Policisë Vendore Elbasan, është emëruar në Drejtorinë e Përgjitshme të policisë së Tiranës.

Kryekomisar Zija Sulaj, është tranferuar shef komisariati në Dibër. Ky i fundit më herët ka kryer detyrën e Shefit të Komisariatit të Policisë Elbasan.

Ndërsa Kryekomisar Kujtim Muça është emëruar shef i Drejtorisë së Kufirit në Dibër. Edhe Muça më herët ka shërbyer në Elbasan si Shef i Rendit në Drejtorinë Vendore të Policisë Elbasan./CityNews





Lajmet e fundit nga