E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kthehu holandez!

3 Janar 2018, 16:49, Aktualitet CNA

Ne shqiptarët kemi një fat të madh, që asnjë vend tjetër në Evropë nuk e ka. Kemi një kryeministër francez dhe një kryetar opozite holandez.

I pari e braktisi Francën kur Fatos Nano e gjeti me thonj të paprerë, i dyti ende se ka braktisur Holandën, edhe pse Berisha e gjeti qime pa prerë.

Partia Demokratike ka pësuar një katastrofë elektorale, përballë një maxhorance apo Kryeministri që në ka vite në bashkëpunim me LSI-në e Ilir Metës e kthyen Shqipërinë nën pushtetin e drogës, korrupsionit, krimit dhe trafiqeve.

Mjaftuan 3 orë takim mes francezit dhe holandezit, dhe ky i fundit e shiti Partinë Demokratike, çadrën, militantët e PD-së, qëndrestarët, dhe vetë ata që e besonin.

Basha zhvilloi një fushatë të meshtë, Rama e tërhoqi zvarrë, Luli garonte me LSI-në, humbi zgjedhjet me PD për shkak të paaftësisë së tij epike. Tradhtoi demokratët duke u vjedhur votat, premtoi ndryshime, foli për reflektim e në fakt nuk ka bërë as njërën as tjetrën.

Sot pas 6 muajsh, në strukturat e PD-së, nuk ka asnjë ndryshim, Asnjë mbledhje e strukturave të larta drejtuese, si Kuvendi apo Këshilli Kombëtar. Asnjë platformë të qartë për ndryshime thelbësore dhe nxjerrje përgjegjësish të humbjes nga Sekretarët dhe kryetarët e departamenteve që duhen shkarkuar, e deri tek vetë Basha që u rizgjodh me vota të manipuluara.

Rama rizgjidhet Kryeministër pasi fiton 74 mandate i vetëm në Kuvend, i akuzuar për korrupsion, koncesionet, kanabizimin e Shqipërisë, mbledh strukturat e partisë, bën ndryshime në nivelet drejtuese edhe pse është fitues.

Lulzim Basha, humbës, pazarxhi dhe tradhtar, në 6 muaj ka më shumë ditë pushimesh jashtë Shqipërisë, sesa aksion politik në vendin tonë.

Holandez fluturues kthehu në Shqipëri dhe bëj opozitë! Je përballë Ramës në Shqipëri, nuk je opozita e Holandës. Çdo ditë e më shumë po tregon dhe vërteton sesa vlen dhe fatkeqësisht je në vendin e gabuar dhe i emëruar i gabuar. /CityNews