web counter
LEXO PA REKLAMA!

SHKARKO APP

App Store
Google Play

Ish-ministri i Jashtëm/ Shqipëria me Edi Ramën rrezikon shumë gjatë 2018-ës

29 Dhjetor 2017, 16:32, Aktualitet CNA

Ish-ministri i Jashtëm i qeverisë Berisha, Besnik Mustafaj, ishte i ftuar në studion e lajmeve në televizionin News24, ku ka dhënë mendimet e tij në lidhje me atë që e pret politikën shqiptare gjatë vitit që po vjen.

Sipas Mustafajt, ajo që ka paraqitur politika shqiptare gjatë kohës së fundit, tregon se nuk ka gjasa për të pasur një qeveri bashkëpunuese as edhe në vitin 2018.

Ai tha se, gjatë 2018-ës pritet të kemi një maxhorancë aspak bashkëpunuese, madje acaruese dhe arrogante, çka mund të bëjë që kriza politike në vend të thellohet. Kjo do të rrezikonte stabilitetin e vendit.

“Mënyra sesi e ushtron pushtetin Edi Rama, më bën të mendoj se do të ketë probleme të vazhdueshme. Shumë sektorë të ekonomisë kanë problematika të ngjashme si ajo e naftëtarëve. Rrezikojmë të kemi problematike që janë sociale, por rrezikojnë të kthehen politike.”- deklaroi Besnik Mustafaj.

Më tej ai foli rreth mundësive për të pasur çelje negociatash gjatë vitit që po vjen, ku tha se do të jetë e vështirë.

“Çelja e negociatave do të jetë e vështirë, sepse është inkurajim. Nëse BE çel negociatat, do të inkurajojë arrogancën e kryeministrit Edi Rama.”, – tha Mustafaj, ndërsa shtoi “shpresoj që kërkesat për azil të mos shtohen, sepse mund të rrezikojmë vizat, pra mund të rrezikojmë të humbim çfarë kemi fituar.” /CityNews





Lajmet e fundit nga