E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Ekzekutohet vendimi i Strasburgut/ Qeveria 109 mijë euro për familjarët e Ziver Veizit

29 Dhjetor 2017, 15:23, Aktualitet CNA

Ekzekutohet nga qeveria shqiptare, vendimi I Gjykatës së Strasburgut për dëmshpërblimin e familjarëve të Ziver Veizit, i vrarë nga Garda e Republikës gjatë protestës së 21 janarit të 2011.

Vendimi parashikonte dëmshpërblimin e familjarëve në masën 109 mijë euro dhe konkretisht, 39 000 (tridhjetë e nëntë mijë) euro shkojnë për kërkuesen Ana Veizi, vajza e Ziverit, 39 000 (tridhjetë e nëntë mijë) euro, për kërkuesin Klajdi Veizi, 15 600 (pesëmbëdhjetë mijë e gjashtëqind) euro, për kërkuesin Zabit Deda dhe 15 600 (pesëmbëdhjetë mijë e gjashtëqind) euro, për kërkuesin Çaush Veizi.

V E N D I M

EKZEKUTIMIN E VENDIMIT TË GJYKATËS EVROPIANE PËR TË DREJTAT E NJERIUT, DATË 20.4.2017, PËR ÇËSHTJEN ?ANA VEIZI DHE TË TJERË KUNDËR SHQIPËRISË? (PËR KËRKESËN NR.16191/13)

Në mbështetje të nenit 100 të Kushtetutës, të nenit 46, të Konventës Evropiane për Mbrojtjen e të Drejtave të Njeriut dhe Lirive Themelore, ratifikuar me ligjin nr.8137, datë 31.7.1996, ?Për ratifikimin e Konventës Evropiane për Mbrojtjen e të Drejtave të Njeriut dhe Lirive Themelore?, të neneve 5 e 45, të ligjit nr.9936, datë 26.6.2008, ?Për menaxhimin e sistemit buxhetor në Republikën e Shqipërisë?, të ndryshuar, dhe të ligjit nr.130/2016, ?Për buxhetin e vitit 2017?, të ndryshuar, me propozimin e ministrit të Drejtësisë, Këshilli i Ministrave

V E N D O S I:

– 39 000 (tridhjetë e nëntë mijë) euro, për kërkuesen Ana Veizi;

– 39 000 ( tridhjetë e nëntë mijë) euro, për kërkuesin Klajdi Veizi;

– 15 600 (pesëmbëdhjetë mijë e gjashtëqind) euro, për kërkuesin Zabit Deda;

– 15 600 (pesëmbëdhjetë mijë e gjashtëqind) euro, për kërkuesin Çaush Veizi,

me qëllim mbulimin e çdo pretendimi në lidhje me çështjen përpara Gjykatës Evropiane për të Drejtat e Njeriut si dhe çdo pretendimi tjetër në lidhje me këtë ngjarje, si shpërblime të drejta për dëmin material e moral, së bashku me shumën prej 4 000 (katër mijë) eurosh, për të mbuluar të gjitha kostot dhe shpenzimet, duke i përjashtuar nga çdo taksë që mund të jetë e aplikueshme.

Ky vendim hyn në fuqi menjëherë dhe botohet në ?Fletoren zyrtare?.

K R Y E M I N I S T R I

EDI RAMA /Republica