web counter
LEXO PA REKLAMA!

SHKARKO APP

App Store
Google Play

Vota në OKB/ Meta: Nuk pati asnjë konsultim nga MEPJ

26 Dhjetor 2017, 16:50, Aktualitet CNA

Pas votimit në OKB për çështjen e Jeruzalemit ku Shqipëria doli kundër vendimit të Presidentit të Amerikës, Donald Trump, ka reaguar dhe zyra e Presidentit Ilir Meta.

Zyra presidenciale e shtypit sqaron se nuk ka pasur asnjë informim dhe konsultim paraprak nga Ministria e Punëve të Jashtme dhe zyrtarë të saj në drejtim të kabinetit të Presidentit të Republikës për votimin në OKB.

Sqarohet se presidenti Meta është njohur me votën e Shqipërisë në OKB nga mediat online sikurse të gjithë qytetarët e vendit.

?Duke patur të qartë prapavijën qëllimkeqe dhe dizinformuese të këtij lajmi, jo të rastësishëm, Zyra e Shtypit e Presidentit sqaron edhe njëherë se: Nuk ka patur asnjë informim dhe konsultim paraparak nga MEPJ dhe zyrtarë të saj në drejtim të kabinetit të Presidentit të Republikës për votimin në OKB.

Vetëm disa minuta para votimit, Drejtori i Kabinetit të Presidentit, z.Arben Cici i ka telefonuar me iniciativën e tij për shkak të sensibilitetit të çështjes, Drejtorit të Përgjithshëm Politik në MEPJ, z.Ferit Hoxha për t?u njohur me vendimin për mënyrën e votimit të Shqipërisë në OKB, nga i cili ka marrë përgjigje që ?Nuk ka ende një vendim por po vazhdojmë konsultimet?, por jo me kabinetin e Presidentit.

Pak minuta më vonë, Presidenti i Republikës, SH.T.Z. Ilir Meta është njohur me qëndrimin e Shqipërisë në OKB vetëm përmes mediave online, ashtu si gjithë qytetarët e vendit. Për informacion më të saktë njoftojmë se Drejtori i Kabinetit në Presidencë, z. Arben Cici ka marrë një njoftim me sms nga Drejtori i Përgjithshëm Politik në MEPJ, z. Ferit Hoxha, vetëm në orën 18:24, rreth dy orë e gjysëm pas votimit, me një ?Pro? rezolutës?.

Nuk ekziston asnjë komunikim tjetër i mëparshëm midis Kabinetit të Presidentit me MEPJ dhe shërbimin diplomatik. U detyruam të bëjmë këtë sqarim të detyruar, për shkak të rëndësisë së veçantë të kësaj çështjeje dhe transparencës ndaj opinionit publik, këtij keqinformimi tërësisht të qëllimtë, jo profesional dhe manipulues për opionin publik, brenda dhe jashtë Shqipërisë?.  /CityNews





Lajmet e fundit nga