Si u bë “Santa Quaranta” pronë e Balilajve

26 Dhjetor 2017, 20:28, Aktualitet CNA

Është marrë nëpërmjet ankandit, është rikonstruktuar duke marrë kredi bankare dhe më pas ?Santa Quaranta? është kthyer në Resortin më të lakmueshëm nga biznesmenët dhe politikanët?

Njeriu që merr përsipër të tregojë se si nga një pronë e ish-sindikatave, ish-kampi i punëtorëve në Sarandë është kthyer sot në pronë e Balilajve, është biznesmeni Bashkim Balili.

Vëllai i ?Eskobarit të Ballkanit?, nuk pranon se ky i fundit të jetë pjesë pronësore e resortit dhe pronave Balilaj.

I ftuar në studion e lajmeve në Ora News, teksa është shprehur se të gjitha investimet në pronat e tij janë bërë nga para të pastra, Bashkim Balilaj, ka treguar investimet tek ?Santa Quaranta?.

Sipas tij investimet në pronë i ka mbuluar nga një kredi e marrë në bankën ?Societe Generale Albania?, nga bashkëpunimi me aksionerë të tjerë dhe më pas me të ardhurat e siguruara nga shitja e apartamenteve.

?Unë kam marrë pjesë në ankandin e zhvilluar për shitjen e pasurive nga transparenca. Me ofertën ekonomike më të madhe nga të gjithë ofruesit e tjerë jam shpallur fitues pa asnjë ndikim. Kjo pasuri është blerë nga Bashkim Balili që jam unë.

Nga 2001-2008 mundësit për të investuar tek ?Santa Quaranta? ishin shumë të pakta dhe mora një kredi tek banka ?Societe Generale Albania? dhe kam marrë plotë 800 mijë euro.

Në 2012 sipërfaqet e truallit të Santa Quarantës ishte 30 mijë metra katërore. Për interesa të investimit bëra ndarjen në 3 parcela. Në një parcelë 5 mijë metra, në një parcelë 12 që është vetë objekti dhe parcela tjetër 13 mijë metra dhe në këtë kohë u futën aksionerë dhe shoqëri të tjera, të cilat investuan dhe mora shumë përfitime. Në këtë kohë vetëm kam përfituar dhe nuk kam harxhuar aspak.

Në vitin 2013 fillova shitjen e apartamenteve. Vlera e marrë nga apartamentet deri në momentet që po flasim bashkë është 1 milionë e 100 mijë euro trransaksione bankare nga 16 apartamente të shitura.

Në 2015 kam marrë një kredi tjetër 500 mijë euro, që venë 1 milionë e 300 mijë euro tek kjo bankë dhe një 1 milionë e 100 mijë për 16 apartamente që janë shitur me hipotekë dhe 3 janë me kontratë porosie, të cilët kanë sjellë një pjesë te lekëve dhe nuk kanë marrë hipotekën sepse nuk kanë bërë likujdimin total në bazë të marrëveshjes me qytetarët?,-deklaroi Bashkim Balili. /CityNews