web counter
LEXO PA REKLAMA!

SHKARKO APP

App Store
Google Play

E fundit!

x

Djegia e mandateve/ Ç’mendon Basha për propozimin e Berishës

26 Dhjetor 2017, 21:10, Aktualitet CNA

Kryetari i Partisë Demokratike, Lulzim Basha, është shprehur në emisionin ?Top Story? në Top Channel, se djegia e mandateve të deputetëve të PD-së, është thjesht një reagim dhe jo zgjidhje e situates.

?Djegia e mandateve është thjeshtë një reagim. Djegia e mandateve nuk është zgjidhje e situatës. Zgjidhja është të rikthejmë demokracinë dhe shtetin ligjor. Së pari është duke detyruar vjedhësin e sendit të vjedhur të kthejë sendin e vjedhur. Me 25 qershor është vjedhur një mandat qeveritar që nuk i takon Edi Ramës. Hapi i parë është kthimi i sendit të vjedhur, janë zgjedhjet e lira dhe të ndershme, përmes një qeverie antimafia e cila nuk përbën pengesë, apo kërcënim për reformën në drejtësi, por që zbaton atë reformë në drejtësi, siç ka kaluar me konsensus të plotë, me 140 vota në Parlamentin shqiptar, dhe që është e përkushtuar për t?i dhënë shqiptarëve mundësinë të zgjedhin qeverinë e tyre të lirë dhe bazuar mbi praktika demokratike, jo me tepsi, kazan e timon, por mbi oferta politike. Ne jemi të qartë vizionin tonë. Se sa kohë do të marrë, ne e kemi provuar që duhet të kemi durimin, forcën dhe këmbënguljen. Jam i sigurt se po të bashkohen të gjithë shqiptarët e ndershëm, koha për një ndryshim pozitiv, nuk do të jetë e largët. Një gjë është e sigurt, kjo situatë është e paqëndrueshme?,-deklaroi Lulzim Basha.

Kujtojmë se ish-kryeministri Sali Berisha në protestën e  18 dhjetorit 2017 , pasi i është ndaluar fjala në Kuvend, ka deklaruar se ?Në Parlament duhet të ketë vetëm një gjuhë, djegien solemne të mandateve. S?ka ndodhur kurrë që deputetit t?i ndalohet fjala në Kuvend?. /CityNews





Lajmet e fundit nga