web counter
LEXO PA REKLAMA!

SHKARKO APP

App Store
Google Play

E fundit!

x

Pse nuk i dhanë nënshtetësinë shqiptare Janullatosit?/ Flasin Alfred Moisiu dhe Bamir Topi

25 Dhjetor 2017, 11:46, Aktualitet CNA

Anastas Janullatosi ka bërë kërkesën e tij të parë për të marrë shtetësinë shqiptare që në viti 1992, kur president ishte Sali Berisha.

Por asokohe, kërkesa nuk u aprovua.

Të njëjtin qëndrim për të mos ia miratuar kërkesën për nënshtetësi shqiptare kanë bërë dhe ish- presidentët Rexhep Meidani, Alfred Moisiu, Bamir Topi dhe Bujar Nishani.

Kjo kërkesë është aprovuar vetëm më datë 22 dhjetor nga presidenti aktual, Ilir Meta.

I pyetur nga ?Panorama?, ish-presidenti Alfred Moisiu ka refuzuar të komentojë arsyet e mos-dhënies së nënshtetësisë shqiptare, Janullatosit.

?Unë respektoj gjithmonë një kod heshtjeje, që pas përfundimit të mandatit tim si President. Nuk komentoj asnjëherë vendimet e paraardhësve dhe pasardhësve në këtë detyrë?, tha.

Ndërsa për ish- presidentin Bamir Topi, mos-dhënia deri tani e nënshtetësisë shqiptare për kryepeshkopin Anastas Janullatos, nuk ka ardhur për shkelje ligjore, por ajo është ?vetëm një gjë në proces, ku duhen marrë në konsideratë disa ndjeshmëri të brendshme?.

Topi ka thënë se ?mua më takon të vlerësoj ndjeshmërinë në mënyrë shumë të kulturuar?.

Duke vlerësuar punën e Janullatosit në krye të Kishës Ortodokse, Topi ka deklaruar se ?kryepeshkopi grek ka qenë edhe në një pozicion ku i ka shërbyer Shqipërisë në arenën ndërkombëtare?.





Lajmet e fundit nga