web counter
LEXO PA REKLAMA!

SHKARKO APP

App Store
Google Play

Pentagoni pranon ekzistencën e UFO-ve, publikohet videoja e objektit misterioz

20 Dhjetor 2017, 09:48, Aktualitet CNA

Qeveria e Shteteve të Bashkuara zotëron disa materiale për disa objekte të paidentifikuara që për shkencëtarët janë të panjohura.

Materialet po ruhen në ndërtesat e modifikuara në Las Vegas, raporton New York Times.

Departamenti Amerikan i Mbrojtjes ka pranuar ekzistencën e një programi sekret prej 22 milionë dollarësh, i cili u ndoq ndërmjet viteve 2007 dhe 2012, dhe ishte ngarkuar me hetimin e raporteve për UFO-t.

Ushtria amerikane ka publikuar pamjet e klasifikuara të një objekti misterioz të filmuar nga pilotët e Marinës.

?Ata kanë një material nga këto objekte që po studiohet, në mënyrë që shkencëtarët të mund të përpiqen të kuptojnë se çfarë përbën ky material i mahnitshëm?, tha Ralf Blumenthal, një nga autorët e raportit të New York Times për MSNBC.

Pentagoni refuzoi të komentojë kur u kontaktua nga The Independent.

Shkencëtarët kanë marrë gjithashtu në studim njerëz që pretendonin se kishin përjetuar efekte fizike nga takimet me fenomenet e panjohura ajrore, sipas New York Times.

Një video e klasifikuar më parë, e lëshuar nga departamenti i Mbrojtjes, tregon pilotët e marinës që reagojnë me habi pasi u dërguan për të hetuar një objekt misterioz fluturues jashtë brigjeve të San Diego-s.

?Ka një ushtri të tërë (UFO-sh). O Zot, po ecin kundra erës. Era është 120 milje në perëndim?, dëgjohet piloti teksa raporton./CityNews

 





Lajmet e fundit nga