web counter
LEXO PA REKLAMA!

SHKARKO APP

App Store
Google Play

Marrëdhëniet shqiptaro-greke në optikën e kryediplomatit

20 Dhjetor 2017, 16:06, Aktualitet CNA

Për ministrin e Jashtëm, Ditmir Bushati, marrëdhëniet shqiptaro-greke janë drejt avancimit për mirë që pas takimit të Kretës, me homologun e tij, Nikos Kotzias. Sipas Bushatit, ligji i luftës, duhet të shfuqizohet për të prodhuar efekte pozitive.

?Është e rëndësishme që ligji i luftës të shfuqizohet me një akt ekuivalent nga pikëpamja e të drejtës për të prodhuar të gjitha ato efekte pozitive të pritshme në praktikë?, – tha Bushati.

I pyetur se çfarë vendi zë çështja çame në këto bisedime, ai u përgjigj:

?Jam partizan i politikës së hapave të vegjël por të njëpasnjëshëm. besoj fuqimisht që shfuqizimi i ligjit të luftës do të ofrojë efekte të mira jo vetëm politike e psikologjike në marrëdhëniet mes Shqipërisë dhe Greqisë por dhe pasoja ligjore në gëzimin e të drejtave pronësore. Çështjet më pas praktike se si do të gëzohen këto prona ne do të jemi këtu për t?i analizuar dhe diskutuar?.

Bushati u shpreh se ka një klimë mirëbesimi edhe për çështjen e kufirit detar me Greqinë, ndërsa shtoi se po punohet për një marrëveshje të drejtë mes dy palëve.

?Jemi të vendosur për të analizuar të gjitha mundësitë dhe për të shkuar më pas drejt një zgjidhje që do t?i interesojë të dyja palëve?, – u shpreh kreu i diplomacisë shqiptare, Ditmir Bushati. /CityNews





Lajmet e fundit nga