web counter
LEXO PA REKLAMA!

SHKARKO APP

App Store
Google Play

E fundit!

x

Deputetja e Lulit heq postimin kundër CityNews

20 Dhjetor 2017, 14:24, Aktualitet CNA

Ditën e protestës së opozitës, CityNews.al raportoi se një nga deputetët e PD, Orjola Pampuri rreth orës 10:00-10:30 është parë në ambientet e bar “Kapriço”, në zonën e ish-bllokut në Tiranë, kjo e konfirmuar nga më shumë se një burim. Ndërkohë që deputetët e PD-së po përgatiteshin të hynin në parlament, ajo po shijonte një kafe.

CityNews i kërkoi edhe zotit Basha ta konfirmonte këtë fakt, sesi i janë shpërndarë ?delet e kopesë? së tij pa çoban. Disa pinë kafe kur parlamenti është në ?flakë?, disa votojnë Ruçin, disa puthin Çilin, disa janë gati të kalojnë me Edi Ramën, e kështu me radhë.

Deputetja Pampuri reagoi duke përgenjeshtruar gjithçka, duke mohuar kafen, orën dhe vetë lokalin, megjithëse po japim dhe një detaj tjetër. Pampuri ka qënë e shoqëruar edhe nga bashkëshortja e një ish-deputeti të PD.

Reagimi i saj erdhi ndoshta për të përgenjeshtruar apo për të ngritur një tymnajë ndaj lajmit të raportuar nga CityNews.

Reagimi i saj ishte akuzë ndaj nesh, pasi na quante media e Edi Ramës, megjithëse nga ?dashuria? e madhe që kemi për kryeministrin, që në mëngjes sa vijmë në punë të parit i “qëllojmë me top”. Ne nuk jemi të Edi Ramës, nuk jemi as të Lulit dhe as të Ilir Metës dhe deputetja që u zgjua me mandat në krye të listës së demokratëve të Tiranës pa pasur asnjë kontribut politik dhe pa qënë ndonjë personalitet kaq i rëndësishëm i jetës aktive të politikës në Shqipëri.

Pas akuzave të deputetes së përkohshme të Lulzimit i kthyem një përgjigje redaksionale, kuptohet pasi botuam edhe qëndrimin e saj, më pas e publikuam edhe në faqen e saj në rrjetet sociale. Më pas deputetja heq postimin.

E ftojmë që herë tjetër të mos marrë këmbët dhe ti bjerë kokës. Ne nuk jemi kundër Orjolës apo të tjera “Orjola” që ka Luli në grup parlamentar. Ne jemi kundër estabilishmentit dhe ajo që na shqetëson është mungesa e një opozite të fortë dhe të vërtetë në Shqipëri, sepse fatkeqësisht Lulzimi është në tepsinë e Edi Ramës. Ndërkohë që shqiptarët sot vuajnë dhe jetojnë më keq se dje për shkak të një kryeministri që ka blerë dhe uzurpuar gjithçka, mban edhe Lulin në krye të PD-së bashkë me çetën e deputetëve të paaftë dhe të papeshë./ CityNews





Lajmet e fundit nga