Kryemadhi tregon çfarë bisedoi me ambasadorin Lu pas protestës

18 Dhjetor 2017, 21:53, Aktualitet CNA

Kryetarja e LSI-së, Monika Kryemadhi e ftuar në “Tonight Ilva Tare” në Ora News, tregoi bisedën me email me ambasadorin amerikan Donald Lu në lidhje me protestën, duke theksuar se punonjës të Kryeministrisë në emër të Partisë Socialiste manipulojnë raportet.

Pjesë nga biseda:

Kryemadhi: Nga informacionet që kemi ne, në raportet që bëhen në emër të Partisë Socialiste nga punonjës të Kryeministrisë, shkruhen manipulime nga më të ndryshmet. Sot Ambasadorit Lu i kishin thënë sikur policët i kishim dëmtuar ne anëtarët e LSI-së.Ky ishte informacioni dhe unë i thashë nuk është e vërtetë.

Tare: Ju keni folur me ambasadorin Lu?

Kryemadhi: Jo nuk kam folur, kam komunikuar nëpërmjet email-eve. Dhe unë i thashë, zoti Ambasador të kanë gënjyer sepse ne nuk e kemi goditur.Ama nëse është goditur polici, ai person që ka goditur policinë të dënohet, të ndalohet dhe arrestohet. Jam shumë e bindur që sot policia e shtetit kishte kamera, siç ishte dhe media prezent, për të parë për çdo polic që është goditur dhe ai që ka goditur policin e shtetit dhe jo vetëm policin por këdo njeri tjetër të ndalohet dhe përgjigjet përpara ligjit.

Ama si puna e një rasti të tillë që zoti Lu komunikoi me mua dhe e falënderoj që ishte i drejtpërdrejtë në komunikim, se edhe mund të mos komunikonte fare dhe nuk e ka për detyrë fare të komunikojë me mua dhe ai u tregua shumë i sinqertë që komunikoi me mua.

Dhe kur unë i thashë që më vjen keq që nuk reagohet për gjakosjen e Floida Kërpaçit, deputetes më të re në Kuvendin e Shqipërisë, kur ai zotëria goditi vajzën me grushtë.Kjo është dhe përgjegjësia jonë që marrim. Por ka edhe shumë të tjerë djem dhe vajza të reja të cilët nuk janë goditur për shkak se kanë goditur ata policinë, janë goditur sepse i ka ardhë momenti. Polici me skafandën përpara, e ka parë, se ka parë e ka goditur.

Komuniteti ndërkombëtar i manipuluar nga qeveria Rama

Kryemadhi: Ka një problem, PS është jashtëzakonisht e përgatitur në këtë drejtim, edhe për reformën në drejtësi, PS, Rilindja shkruante se LSI nuk e do reformën në drejtësi sepse e gjithë strategjia e Rilindjes ishte të mos kalojë reforma në drejtësi dhe faktorët për mosrealizimin e reformës në drejtësi ishin LSI dhe PD. Ne e dimë shumë mirë që edhe Ambasadorët e huaj ishin aq të lodhur me opozitën saqë kërkonin edhe të vazhdonim të blinim deputetë nga opozita për të votuar këtë gjë. Ndërkohë që për një nen, neni 88 që nuk ishte asgjë, vetëm për këtë nuk pranonte sepse gjendej mundësia për të bërë rolin e arrogantit apo moskompromisit. Ku vjen problemi i manipulimit? Komuniteti ndërkombëtar është një nga institucionet më të manipuluara me informacion nga institucionet e qeverisë shqiptare. Edhe para dy viteve komuniteti ndërkombëtar thoshte nuk ka drogë në Shqipëri, por sot Shqiëria është vendi që prodhon, eksporton dhe trafikon, nuk është më vend tranzit por qendër e prodhimit të drogave të forta. Saimir Tahiri para dy viteve ishte Policia që duam, Ministri më i suksesshëm, sot jo për shkak të prokurorisë sonë dhe as për shkak të opozitës, po të ishim dhe ne më të mirë dhe organizuar nuk do të ishim ku jemi sot. Edhe ne si LSI po të kishim qëndruar korrekt nuk do të ishim ku jemi sot. Sot kemi ish-Ministrin e Brendshëm të akuzuar nga Antimafia italiane për sponsorizim apo stimulim të trafikut të drogës. Ndërkombëtarët në fund të fundit janë vëzhgues por jo vendimarrës. Nëse ndërkombëtarët thonë shkelni Kushtetutën unë nuk i dëgjoj.Unë kam luftuar në ’90 për demokraci, nuk kam luftuar të heq diktaturën e Enver Hoxhës dhe të vendos diktaturën e drogës.

Lu u dorëzua në 2016, na u kërkua të blinim deputetë nga opozita

Kryemadhi: Donald Lu nuk negocioi më, në 2016 Donald Lu u dorëzua bashkë me Romana Vlahutin dhe tha shkoni votoni, merrni 67 deputetë nga PD. Ky është problemi i manipulimit, u dorëzuaaa.Dhe tha, shkoni votoni me 94 vota, blini 6 deputetë apo 7 deputetë.Zgjidheni edhe në mënyrë të njëanshme duke blerë deputetë.Dhe çfarë morali kishe ti të dilje nesër dhe tu thoje shqiptarëve mos e shit votën?! /OraNews