PS dhe PD kanë ndarë votat/ Protesta e nesërme, luftë për të bërë sa më shumë plaçkë

17 Dhjetor 2017, 19:12, Aktualitet CNA

Protestat e nësërme të paralajmëruara nga opozita i ka komentuar dhe kreu i ZGJIDHJE-s, Koço Kokëdhima.

Në një postim në rrjetet sociale, Kokëdhima është shprehur se për 27 vitë Prokuroria dhe drejtësia në Shqipëri nuk kanë qenë asnjëherë për shqiptarët, duke e quajtuar zgjedhjen e Kryeprokurorit si një rrëmbim kundrejt bandës tjetër politike, PD-së.

?Partia Demokratike dhe Lëvizja Socialiste për Integrim do të organizojnë një protestë përpara kuvendit, kundër zgjedhjes së Prokurorit të Përgjithshëm (i përkohshëm). ?Zgjidhja? është deklaruar e para se Edi Rama që në nisje të Reformës në Drejtësi, do të synonte me çdo mjet kapjen edhe të këtij pushteti.

Çështja është që drejtësinë dhe sidomos prokurorinë, nuk e ka pasur asnjëherë populli gjatë këtyre 27 viteve. Prandaj Rama ndihet i qetë në atë që po bën. Ai po ja rrëmben prokurorin bandës tjetër politike?.

Kokëdhima e ka quajtur këtë veprim si një luftë mes bandave të cilat po luftojnë për të marrë sa më shumë plaçkë. Luftë mes Berishës dhe Bashës, nga njëra anë, dhe kreut të bandës tjetër që sot ndihet i plotfuqishëm, Edi Ramës dhe PS-së nga ana tjetër.

?Historia 27-vjeçare mes PD-së dhe PS-së është si e atyre bandave jashtë kontrollit që luftojnë për të zotëruar dhe zgjeruar territore, për të bërë sa më shumë plaçkë. Kështu është edhe puna e betejës së nesërme, mes Berishës dhe Bashës, nga njëra anë, dhe kreut të bandës tjetër që sot ndihet i plotfuqishëm, Edi Ramës dhe PS-së nga ana tjetër.

Po bëhen gati 3 dekada që kjo klasë politike, e bën edhe luftën edhe paqen në kurriz të shqiptarëve dhe vetëm për interes të pasurimit dhe makutërisë së saj. Këta nuk e kanë problem të djegin edhe vendin, por edhe që të merren vesh kur u a do interesi, siç bënë me Kushtetutën në vitin 2008 dhe siç kanë bërë sistematikisht me kodet zgjedhore?.

Në përfundim Kokëdhima shprehet se refuzon të bëhet pjesë e kësaj loje, pjesë e së cilës janë dhe protesta e organizuara nga opozita.

??Zgjidhja? refuzon të bëhet pjesë e kësaj loje, brenda së cilës janë edhe protestat për zgjedhjen e Prokurorit të Përgjithshëm. ZGJIDHJA është e bindur se nuk do të ketë kurrë drejtësi e prokuror të pavarur në këtë vend, nëse nuk do të instalohen përfundimisht zgjedhjet e lira dhe nuk do të reformohet sistemi politik e kushtetues i Shqipërisë.

Opozita parlamentare të nisë presionin ndaj Edi Ramës, deri në brakstisje të Kuvendit, me qëllim kryerjes urgjentisht të Reformës Zgjedhore dhe çlirimit të zgjedhjeve nga partitë e vjetra. Për këtë çështje ja vlejnë protesta dhe demostrata të fuqishme. Kjo është sprova e fundit e kësaj opozite parlamentare. Nëse duan vërtet prokuror të pavarur, le të heqin dorë vetë të parët nga administrimi i zgjedhjeve.

Për këtë duhet të ishte protesta e nesërme dhe në vazhdim, derisa të çlirohet vota që e grabisin dhe e ndajnë së bashku PS-ja, PD-ja dhe partitë e tjera që administrojnë zgjedhjet?. /CityNews