web counter
LEXO PA REKLAMA!

SHKARKO APP

App Store
Google Play

Protesta e opozitës/ Basha tregon çfarë do të ndodhë nesër

17 Dhjetor 2017, 18:25, Aktualitet CNA

Në daljen e tij për media, kryetari i opozitës dhe Partisë Demokratike, Lulzim Basha, teksa kërcënoi kryeministrin Edi rama, se nëse do të tentojë të zgjedhë nesër Kryeprokurorin e Përkohshëm, duhet të përballet me pasoja, fundi i bashkëjetesës demokratike në vend apo destabilitet, zbuloi detaje nga ajo që pritet të ndodhë nesër.

Kryedemokrati u shpreh se krahas protestës popullore që do të bëhet jashtë ambienteve të Kuvendit, e njëjta gjë do të ndodh edhe në sallën e seancës plenare, ku opozita parlamentare nuk do të lejojë puçin kushtetues të Edi Ramës.

“Të gjithë të bashkohemi para Kuvendit të Shqipërisë, para Parlamentit, në orën 9:30 , ku do të nisë protesta popullore jashtë Kuvendit, dhe protesta opozitare brenda Kuvendit. Ju ftoj të jemi të gjithë së bashku pavarësisht bindjeve politike. Ajo që na bashkon si shqiptarë dhe si evropianë është mbrojtja e Kushtetutës, drejtësia e pakapur politikisht dhe mbrojtja e Reformës në Drejtësi, si e vetmja garanci për një Shqipëri evropiane”, – tha Basha. /CityNews





Lajmet e fundit nga