web counter
LEXO PA REKLAMA!

SHKARKO APP

App Store
Google Play

Rama duart e përgjakura me krim/ Kryemadhi: Askush s’mund ta ndal këtë revoltë

16 Dhjetor 2017, 13:03, Aktualitet CNA

Në një postim në rrjetet sociale, kryetarja e LSI-së, Monika Kryemadhi ka vijuar akuzat ndaj qeverisë Rama, ndërsa shtoi se në këtë vend nuk ekziston drejtësia dhe se kryeministri Rama vendosi duart e përgjakura me krim tek i vetmi institucion që nuk e kishte nën kontroll.

Ja postimi i plotë:
TË LARGOJMË KRYEMINISTRIN E KRIMIT, TË DROGËS, ATË KRYEMINISTËR QË PO SHPËRBËN SHQIPTARËT!
Në këtë vend nuk ka më drejtësi!
Edi Rama vendosi duart e tij të përgjakura me krim, edhe tek i vetmi institucion që nuk e kishte nën kontroll. Kapja e prokurorise nga krimi dhe banditët e pushtetit shënon fundin e shtetit dhe demokracisë.
Kjo është dita më e errët në historinë e demokracisë shqiptare!
Kurrë më parë pushtetet nuk kanë qenë në duart e një njeriu të vetëm, të një pushteti bandit që drejtohet nga kryetrafikanti i drogës, shefi i drejtpërdrejtë i Saimir Tahirit dhe policëve të inkriminuar, që me përpjekjen e fundit po dëshmon frikën për t?i shpëtuar drejtësisë.
Sot më shumë se kurrë është detyrë e jona, e politikës së papërlyer me krimin, e qytetarëve që ende besojnë te vlerat e demokracisë të rrëzojmë nga pushteti këtë klikë kriminale.
Të protestojmë për të larguar banditët nga pushteti. Revolta e protestës qytetare është arma që mund të rrëzojë nga karriget banditët e veshur me pushtet.
Asgjë dhe askush nuk mund ta ndalë këtë revoltë. As paratë e krimit, as pazaret dhe kulisat nuk e shpëtjnë dot më Edi Ramen nga fundi i paralajmëruar që do ti vijë nga qytetarët e ndershëm të këtij vendi./CityNews

 

 

 

 





Lajmet e fundit nga