web counter
LEXO PA REKLAMA!

SHKARKO APP

App Store
Google Play

Drejtonin automjetin të dehur/ Arrestohen dy shtetas

16 Dhjetor 2017, 10:55, Aktualitet CNA

Policia e Korçës ka bërë të mundur arrestimin e shtetasit me iniciale P.M, 34 vjeç banues në fshatin Leminot-Maliq, i cili nuk i është bindur urdhrit të policisë për të ndaluar.
Ndalimi i shtetasit P.M është bërë kur ai ishte duke drejtuar një automjet tip ?Benz?.

Nga kryerja e testit të alkoolit, policia rrugore e Korçës raportoi se 34-vjeçari ishte duke drejtuar mjetin në gjendje të dehur. Ndërsa bashkëpunëtori i dytë, është shtetasi me inicialet A.H, 28-vjeç banues në fshatin Pocestë, i cili ishte duke drejtuar automjetin në gjendje të dehur.

Materialet i kaluan Prokurorisë Korçë për veprat penale ?Mosbindja ndaj urdhrit të punonjësit të policisë së rendit publik? dhe ?Drejtimi i automjeteve në mënyrë të parregullt?.

Njoftimi i policisë
Specialistët e Seksionit për Policinë Rrugore, kanë bërë kapjen dhe arrestimin në flagrancë të shtetasve :
Petref Maxhari, 34 vjeç, banues në fshatin Leminot-Maliq.
Pasi më datë 15.12.2017, shtetasi i mësipërm, në Libonik, duke drejtuar mjetin tip ?Benz?, me targë AA 412 BZ, nuk i është bindur urdhrit të punonjësit të Policisë për të ndaluar. Më pas është bërë ndalimi i tij nga shërbimet e Policisë Rrugore në Korçë, ku nga kryerja e testit të alkoolit, rezultoi se ky shtetas drejtonte mjetin në gjendje të dehur.
Andon Hoxhalli, 28 vjeç, banues në fshatin Pocestë.
Pasi më datë 15.12.2017, ky shtetas është konstatuar në lagjen nr 17, duke drejtuar në gjendje të dehur mjetin tip ?Benz?, me targë AA 362 LV.
Materialet në ngarkim të tyre i kaluan Prokurorisë të Rrethit Gjyqësor Korçë për veprat penale ?Mosbindja ndaj urdhrit të punonjësit të policisë së rendit publik? dhe ?Drejtimi i automjeteve në mënyrë të parregullt? parashikuar nga nenet 242 e 291 të Kodit Penal. /CityNews

 

 

 

 





Lajmet e fundit nga