web counter
LEXO PA REKLAMA!

SHKARKO APP

App Store
Google Play

E fundit!

x

Dita e dytë e aksionit në qarkun e Beratit/ Të rinjtë dhe ministri Klosi në pastrimin e kalasë

16 Dhjetor 2017, 12:17, Aktualitet CNA

Ministri Klosi iu bashkua vullnetarëve dhe të rinjve, për pastrimin ekstrem të Tabes në kalanë e Beratit. Të veshur me pajimet e sigurisë, kreu i Turizmit dhe Mjedisit dhe të rinjtë kanë zbritur me litar në pjesën e poshtme të kalasë nëpërmjet mureve për shkak të terrenit mjaft të vështirë për të mbledhur mbetjet e hedhura prej vitesh nga vizitorë të kalasë.

?Po të shikosh në pikën më të bukur të qytetit, në pikën më të bukur të kalasë, një nga pikat më të bukura të Shqipërisë shikon një depozitë të paimagjinueshme mbetjesh në këtë zonë që vjen nga papërgjegjshmëria e madhe e qytetarëve të cilat kanë ardhur këtu, kanë vizituar këtë bukuri të natyrës dhe e kanë kthyer zonën e poshtme në një landfill. Sot me të rinjtë do të bëjmë një pastrim ekstrem. Është një operacion që do të asistohet nga profesionistët e vërtetë të alpinizmit dhe do të realizohet vetëm nga një pasion i paimagjinueshëm i këtyre të rinjve. Prandaj do të doja që ky të ishte një moment që të transmetohej ngado dhe të kuptohej sesa shumë mund të realizojmë në qoftë se kemi pasion dhe dashuri për mjedisin.?- tha ministri Klosi para fillimit të pastrimit i cili duke inspektuar nga lart punën në shtratin e lumit shtoi: ?Vazhdon puna e madhe në buzë të lumit dhe ne do të vazhdojmë në të githë shtratin e lumit për të mos patur më përmbytje?.

Ndërkohë në qarkun e Beratit vijon dita e dytë e pastrimit rehabilitimit dhe gjelbërimit. 10 makineritë e rënda vijojnë punën për pastrimin dhe thellimin e shtratit të lumit Osum. Vullnetarë dhe qytetarë, forca të armatosura dhe sipërmarrës biznesi lokalë vazhdojnë punën në pastrimin e shesheve dhe rrugëve kryesore e dytësore në Berat dhe në Urën Vajgurore, ndërsa gjatë ditës së sotme do të vazhdohet edhe me mbjellje fidanësh./CityNews

 





Lajmet e fundit nga