web counter
LEXO PA REKLAMA!

SHKARKO APP

App Store
Google Play

Burri me pallto gri dhe lypsarët e vegjël/ Migjeni i ditëve të sotme në rrugët e Tiranës

16 Dhjetor 2017, 14:20, Aktualitet CNA

Është pasmesnatë. Rrugët e Tiranës, pothuasje janë boshatisur dhe errësirës i ka rënë perdja e dritave shumëngjyrëshe të festave të fundvitit.

Eci përgjatë sheshit Skënderbej në drejtim të rrugës së Durrësit, në këtë panoramë të veshur nga i ftohti i dhjetorit dhe pëpara meje dalloj një grup personash, mes tyyre edhe dy fëmijë, që e fitojnë bukën e ditës duke lypyr nëpër rrugët e kryeqytetit.

Pranë tyre, u ofrua një person mesmoshë, i veshur me një pallto gri, i cili mori për dore vajzën e vogël që nuk ishte më shumë se pesë apo gjashtë vjeçe.

Veprimi i këtij personi, më ngjalli dyshime. Eca afër e tij dhe e dëgjova.

Fillimisht dyshova se mos ishte tutori, apo ndonjë punonjës policie që po i çonte në komisariat.

Por, burri me pallto gri i mori dhe i futi në piceri, ku iu dha për të ngrënë.

Pas këtij gjesti, ata dolën sëbashku nga piceria dhe burri me pallto gri u përshëndet miqësisht me vajzën e vogël dhe djalin.

Ai u largua, duke lënë pas një gjest mirësie, ndërsa djali, vajza e vogël me të tjerët erdhën drejt meje me duar të shtrira.

Nuk mund të fshihja përshtypjen që ai la ai njeri tek unë.

Ka ende njerëz të mirë në këtë botë, që nuk e kanë humbur humanitetin dhe që e përcjellin pa u dëgjuar tek të tjerët.

E gjithë kjo ndodhi një natë të ftohtë dhjetori në Tiranë, pa bujë pa reklamë.

Mirësia dhe gjestet humane nuk kanë nevojë për trumbetime.

Nëse  secili prej nesh do të bënte diçka të tillë për njeri-tjetrin, shoqëria njerëzore do të orientohej krah humanizmit, mirëkuptimit dhe harmonisë.

 





Lajmet e fundit nga