web counter
LEXO PA REKLAMA!

SHKARKO APP

App Store
Google Play

E fundit!

x

Avokati i ish-ministrit të Brendshëm: Në Itali s'ka procedim penal ndaj Tahirit

14 Dhjetor 2017, 20:42, Aktualitet CNA

Avokati kryesor i ish-ministrit të Brendshëm Saimir Tahiri, Maks Haxhia, në një lidhje direkte për emisionin “Opinion” të gazetarit Blendi Fevziu, ka komentuar zhvillimet e fundit me çështjen “Tahiri”.

Teksa u pyet në lidhje me nisjen e hetimeve në Katania për Saimir Tahirin, ai tha se mund të ketë hetimi, por procedim penal ndaj klientit të tij nuk ka. Nëse do të kishte një të tillë, atëherë prokuroria do të vinte në dijeni avokatët e Tahirit në Itali.

“Nga pikpamja zyrtare proceduriale, nuk jemi në dijeni të një procedimi penal. Prokuroria e ka për detyrë të informojë avokatët e Tahirit në Itali.”, – tha avokati Maks Haxhia.

Teksa iu përgjigj interesit të Mark Markut, se përse duhet të ketë avokatë në Itali, nëse nuk ka një procedim penal, avokati tha: “Tahiri duke u vënë përballë në akuze të tillë të bërë nga autoritetet shqiptare nga Komisioni i mandateve, lidhur me procesin në Itali, është mëse e natyrshme të kërkojë avokatë në itali, që të sqarojë këtë ngjarje.” /CityNews





Lajmet e fundit nga