"Kosova Jeruzalemi i Serbisë"/ Jakup Krasniqi i përgjigjet Daçiçit

14 Dhjetor 2017, 19:39, Aktualitet CNA

Njohja e Jeruzalemit nga SHBA-të, si kryeqytet të Izraelit, ka rindezur debatet mes Prishtinës dhe Beogradit.

Ka qenë deklarata e ministrit të Jashtëm të Serbisë Ivica Daçiç, se Kosova është Jeruzalemi i Serbisë, ajo që ka bërë të reagojë kryetarin e Kuvendit të Kosovës, Jakup Krasniqi.

Me anë të një postimi në rrjetet sociale, Krasniqi shprehet se secili vend në Ballkan, Jeruzalemin e vet duhet ta kërkojë aty ku banojnë njerëzit e vet, e ko gjetkë.

Në vijim të shkrimit të tij, Krasniqi e akuzon Ivica Daçiçin si shërbëtor dhe bashkëpunëtor i regjimit të Millosheviçit, e për këtë ai thotë se nuk është për tu habitur nga deklarata të tilla. Kreu i Kuvendit të Kosovës shprehet se, deklarata të tilla dhe përpjekjet për të bllokuar Kosovën, tregojnë se qeveria e Serbisë është e ulur këmbëkryq në politikat e genocidit të Millosheviçit.

Postimi i plotë i Jakup Krasniqit:

JERUSALEMËT KËRKONI ATY KU E POPULLONI, SE SHUMËKUSH KA JERUSALEMË TË HUMBUR!

Daçiçi ua paska thënë izraelitëve se Kosova është Jerusalemi i Daçiçit (i Serbisë)! Kjo thënie e Daçiçit, si Ministër i Jashtëm i Qeverisë së Serbisë, ndoshta edhe nuk është për t?u habitur shumë.
Pse? Sepse Daçiqi ka qenë pjesë aktive e regjimit serb të Millosheviqit. Ai regjim ka bërë gjenocid në tri vende të ish-Jugosllavisë, në Bosnje e Hercegovinë, në Kroaci e pastaj edhe në Kosovë. Ky farë ministri goxha shkurtabiq, as edhe një herë në jetën e tij nuk është distancuar nga politikat e gjenocidit të shefit të tij politik. Është për të ardhur keq që as GJND-ja, nuk e dënoi Serbinë për gjenocidin e ushtruar tmerrësisht në Bosnjë. Ky fakt, ka kohë që është duke i trimëruar pjesëmarrësit e atij gjenocidi që sot ndodhen në udhëheqjen e Serbisë ?demokratike?!

Sikur ky njeri, dje Presidenti i tij, së pari, po të ishin shkëputur nga politikat e Millosheviqit, së dyti, ta kishin bërë kërkimfaljen për gjenocidin e kryer në vendet e përmendura dhe gjenocidin e kryer në Kosovë, nuk do ta kisha as një arsye t?ua përkujtoja të kaluarën kriminale. Por këta njerëz, sipas të gjitha deklaratave që i thonë që sa vite për Kosovën, pengesat që përpiqen t?ia bëjnë kësaj, konfirmojnë në mënyrë të pakontestueshme, se janë të ulur këmbëkryq në politikat e gjenocidit millosheviqian.

Këta njerëz duhet ta dinë se secili komb e sidomos shqiptarët i kanë Jerusalemët e tyre, që padrejtësisht kanë mbetur jashtë territorit shqiptar. Po ua përkujtoj, këtyre ?demokratëve?, që për shpirt i kanë politikat e gjenocidit, se shqiptarët Jerusalemin e tyre e kanë në Shqipërinë e Toplicës, prej nga shovinistet serbë në vitet 1876/78 i kanë shpërngulur me dhun mbi 500 vendbanime shqiptare. Ai ishte edhe holokausti i parë serb mbi shqiptarët autoktonë, ndonëse jo edhe i fundit. Për të cilën gjë Kongresi i Berlinit i vitit 1878 i ka obliguar që t?i dëmshpërblejë. Një obligim të tillë pushteti serb nuk e ka përfillur kurrë. Nëse është e vërtetë, se krimi nuk vjetrohet, Serbia e sotme duhet t?ua kthejë, respektivisht t?ua dëmshpërblejë shqiptarëve, kudo që ata jetojnë sot. Daçiqi e Vuçiqi duhet ta dinë se edhe Pazari i Ri (Novi-Pazari), Tutini e deri të Molla e kuqe (Nishi) janë Jerusalem i shqiptarëve. Madje edhe kryeqyteti i sotëm serb, Beogradi, dikur ishte një Jerusalem i hungarezëve. Qyteti i sotëm serb i Prilepit ishte Jerusalem i bullgarëve etj. Koha është që, secili komb në Evropë e Ballkan, Jerusalemin e vet duhet ta kërkojë aty ku e banojnë me njerëzit e tyre. Kosova denbabaden ka qenë e ka mbetur Jerusalem i shqiptarëve dhe bota demokratike e ka konfirmuar e njohur këtë fakt që askush më nuk mund ta kontestojë, e të mos flasim se këtë mund ta kontestojnë çapaçulët te gjenocidit serb! Është gjë e mirë që secili komb i Ballkanit ta ruajë atë që e ka nën kontrollin e vet! /CityNews