web counter
LEXO PA REKLAMA!

SHKARKO APP

E fundit!

x

Trafiku i qenieve njerëzore/ Arrestohen dy punonjës të Policisë Kufitare

14 Dhjetor 2017, 17:05, Aktualitet CNA

Dy punonjës të Policisë Kufitare në Gjirokastër kanë rënë në pranga, pasi akuzohen për trafikim të qenieve njerëzore.

SHÇBA ka arrestuar shtetasit me uniformë Timo Ciko, 50 vjeç, shef i ruajtjes së kufirit të gjelbër, në Drejtorinë e Policisë Kufitare Gjirokastër dhe Bledar Duçka, 43 vjeç, trup shërbimi për kufirin e gjelbër, në Drejtorinë e Policisë Kufitare Gjirokastër; si dhe shtetasin Shpëtim Brakaj, 41 vjeç, nga Fieri, të cilët akuzohen për dhënie ndihme për kalim të paligjshëm të kufirit, shpërdorim detyre dhe korrupsion pasiv.

Zyrtarët e policisë ndihmonin të kalonin kufirin persona që e kishin të pamundur të udhëtonin në zonën Shengen për shkak të problemeve me afatet e shkelura kohore, apo mos përmbushjen e kushteve të kalimit të lirë, në këmbim të pagesave, që varionin nga 300 në 400 euro.

Mësohet se gjatë arrestimit të ndaluarve u janë sekuestruar një sasi euro, lekë, dollar, telefona celularë dhe 1 automjet.

Ndërkohë hetimi po vijon për zbulimin e personave të tjerë të implikuar. /CityNews





Lajmet e fundit nga