E fundit!

12:08 Aktualitet

Protestat/ Rama: Askush nuk mund ta ndalë rrugën e Shqipërisë drejt BE-së

Kryeministri Edi Rama në një intervistë të dhënë për gazet...

“Ushqimi i shëndetshëm në shkolla”/ Ministritë nënshkruajnë marrëveshjen

14 Dhjetor 2017, 16:23, Aktualitet CNA

Ministria e Bujqësisë dhe Zhvillimit Rural së bashku me Ministrinë e Shëndetësisë dhe Mbrojtjes Sociale, Ministrinë e Arsimit, Sportit dhe Rinisë, si edhe me pesë bashkitë kryesore në vend, nënshkruan një marrëveshje për sigurinë ushqimore dhe për ushqyerjen e shëndetshme të fëmijëve.

Slogan i kësaj nisme ka qenë ?Ushqimi i shëndetshëm në shkolla?.

Gjatë fjalës së saj ministrja Nikolla është shprehur se, ?Ky projekt do bëjë të mundur heqjen e barrën prindërve për të bere detyrat e shtëpisë, tashmë kjo barrë i mbetet shkollave. Dhe ajo që është shumë e rëndësishme është që ne të avancojmë në përgatitjen dhe cilësinë në arsim, pasi që edhe nxënësit që vijnë nga familje me mundësi të pakta ekonomike, ashtu sikurse edhe gjithë nxënësit e tjerë, bashkëmoshatarët e tyre, do të kenë të njëjtin burim nga vjen informacioni edhe në përgatitjen e detyrave të shtëpisë. Pra do të jenë mësues të dedikuar për këtë proces.”

Ndërsa ministri Peleshi u shpreh se, siguria ushqimore është një koncept i ri pasi sipas tij edhe vendet më të zhvilluara të Bashkimit Evropian dhe më gjerë kanë filluar të flasin për sigurinë ushqimore vitet e fundit.

?Janë 4 shkolla në gjithë Shqipërinë. Është vetëm pilotimi i parë i një ideje që bashkon tri ide, për shak se dhe projekti është i tillë, secili prej ministrave apo ministrive ka interesin e vet sektorial. Siç e shpjegoi Ministrja e Arsimit, interesi i kësaj ministrie është si të krijojë mjedise të përshtashme dhe të mundshme për të shtuar programin mësimor edhe në përgatitjen e detyrave, por Ministria jonë ka interesin e madh në fakt, për të promovuar ushqimim e shëndetshëm dhe sigurinë ushqimore në shkolla. Siguria ushqimore është një koncept i ri, duhet ta pranoj që dhe vendet më të zhvilluara të Bashkimit Evropian dhe më gjerë, vitet e fundit kanë filluar të flasin për sigurinë ushqimore për gjurmëshmërinë e ushqimeve dhe duke qenë se është një koncept i ri ka nevojë dhe për ndryshime kulturore, ka nevojë dhe për edukim?,- është shprehur Peleshi.

Sipas Peleshit projekti synon të krijojmë një aleancë të re, të krijojmë një aleancë më fëmijët, të cilët pastaj do të përçojnë mesazhet edhe tek prindërit apo gjyshërit.

?Kështu që pak me taktikë përmes këtij projekti synojmë të krijojmë një aleancë të re, të krijojmë një aleancë me fëmijët, të cilët pastaj do të përçojnë mesazhet edhe tek prindërit apo gjyshërit e tyre sesi duhet të kontrollohet një ushqim, se si duhet të bindemi që një ushqim është i shëndetshëm, ose duhet të kërkohet të jetë i tillë.?

?Pra edhe ky koncept, jo vetëm siguria ushqimore, por edhe sigurimi i ushqimeve na jep mundësinë që përmes këtij programi të fillojë, që të implementohet më gjerësisht në vendin tonë,?- ka thënë ministri Pelshi. /CityNews