web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në Universitetin e Tiranës/ Reagon ministrja Nikolla

12 Dhjetor 2017, 10:37, Aktualitet CNA

Komisioni Institucional Zgjedhor i ka dërguar letër Ministrisë së Arsimit, në lidhje me zgjedhjen e Dekanit në fakultetin Histori ?Filologjisë.

Komisioni në fjalë ka kërkuar interpretim të rezultatit të zgjedhjeve për Dekanin që të dijë nëse diferenca mes kandidatëve kthehet në votë.

Mësohet se ministrja e Arsimit, Lindita Nikolla ka deklaruar se paraqitja e rezultateve me përqindje është bërë  konform ligjit.

Ndërkohë që  së shpejti pritet që Komisioni Institucional Zgjedhor të bëjë shpalljen e rezultatit.

Pedagogu  i njohur i Gjeografisë Sabri Laçi ka fituar me 50.14 për qind të votave kundrejt profesoreshës. Dr. Ajula Jubanit.

Ndërkaq professor Laçi ka thënë se po tentojnë të manipulojnë zgjedhjet.

?Kanë nxjerrë të pavlefshme një votë të hedhur nga stafi akademik dhe të konstatuar më pas që ishte për mua, rezultoi që kjo votë ishte hedhur në një fletë votimi që nuk i përkiste trupit akademik, por studentor. Ky është një veprim i qëllimshëm. Përgjegjësia bie mbi kryetaren e KZF-së. Ky vendim është marrë pasi 7 anëtarët e KZF-së kanë shkruar e deklaruar dhe pastaj kanë firmosur të shtatë një procesverbal ku deklarojnë që vota është e vlefshme. Besoj që është një argument i mjaftueshëm ky për të kuptuar se çfarë synojnë. KZF i intereson minimizimi i votave për mua?, ka thënë së fundmi Laçi.

Madje ai ka thënë se qëllimisht po vonojnë edhe shpalljen e rezultatit duke pretenduar se po konsultohet formula.

?Formula është matematikë. Rregullorja e ka aty të qartë. Edhe një person me njohuri minimale në matematikë mund të arrijë rezultatin. Formula është zbatuar nga KZF dhe unë jam fitues me një diferencë të pakët të votave, por fitues i qartë?,  është shprehur ai për mediat, një ditë më parë./CityNews





Lajmet e fundit nga