web counter
LEXO PA REKLAMA!

SHKARKO APP

App Store
Google Play

E fundit!

x

Prokurori i Përgjithshëm/ Zbulohet skenari Meta-Llalla, del në skenë emri i ri

11 Dhjetor 2017, 10:39, Aktualitet CNA

Ngërçi kryesor i politikës shqiptare në momentet aktuale është zgjedhja e kryeprokurorit të ri, atij tranzitor apo ati që do të marrë mandatin e plotë.

Ka pasur mjaft emra të publikuar nga media, diku thashetheme, diku diversion apo nxjerrje emri në treg, por në finale ende asgjë nuk është mbyllur. Nuk janë zgjedhur akoma anëtarët e KLP, përfaqësuesit e shoqërisë civile. KLP do të jetë institucioni që do të zgjedhë kryeprokurorin e ri.

Diversioni dhe intrigat politike vazhdojnë, të gjitha palët e ?duan? kryeprokurorin e ri. Socialistët nuk e kanë zgjedhur prej shumë e shumë kohësh. Kujtojmë se tre të fundit Theodhori Sollaku, Ina Rama dhe Adriatik Llalla janë zgjedhur nga PD dhe Berisha dhe dy të parët janë hequr po prej tij.

Përtej socialistëve dhe demokratëve qëndron dhe LSI-ja. Ilir Meta në postin e Presidentit të Republikës, e di mjaft mirë çfarë është kryeprokurori i ri dhe sa shumë i duhet.

Burime i thanë CityNews.al se në fundjavë është zhvilluar një takim kokë më kokë Meta-Llalla. Presidenti bashkë me kryeprokurorin në detyrë mësohet se po përgatisin një skenar për të çuar në krye të prokurorisë, qoftë edhe përkohësisht, Rovena Gashin, që me postin e saj në Prokurorinë e Përgjithshme, thuajse është numri dy i institucionit.

Gashi është zgjedhur anëtare e KED-së, pra i plotëson shumë nga kriteret e vendosura në ligj. Ajo njihet si krahu i djathtë i Adriatik Llallës dhe ka pëlqimin e mbështetjen e Ilir Metës.

Mësohet se presidenti Ilir Meta është i gatshëm të bashkojë votat e LSI-së me Ramën për të plotësuar 84 vota, me kushtin e vetëm që të votohet për Rovena Gashin.

Ilir Meta po kërkon të luajë edhe më shumë me afatet. Adriatik Llallës i ka mbaruar mandati dhe me një dorëheqje të tij apo lëvizje që vjen për shkak të vonesave në ngritjen e KLP-së, Ilir Meta mund të dekretojë Rovena Gashin, qoftë edhe përkohësisht si drejtuese e Prokurorisë së Përgjithshme./ CityNews





Lajmet e fundit nga