web counter
LEXO PA REKLAMA!

SHKARKO APP

App Store
Google Play

E fundit!

x

Investimet në Bujqësi/ Drejt zgjidhjes, çështjet e pronësisë mbi tokën

11 Dhjetor 2017, 09:41, Aktualitet CNA

Në konferencën Kombëtare të Bujqësisë, Kryeministri Edi Rama është shprehur, se shteti do të imponojë një politikë që nxit eksportet, duke  fuqizuar politikën e financimit për  fermerët që janë të bashkuar në shitje.

Më tej Rama  ka nënvizuar disa pika, që sipas tij kanë shënuar sukses në sektorin e bujqësisë në këtë 4 vjeçar.

?Kemi humbur shumë vite duke dhënë lëmosha, duke subvencionuar në atë masë modeste fondesh riciklimin e prapambetjes dhe duke mos mbështetur ato pika kyçe që vetë përpjekja për sukses ka krijuar.  Nuk duam të humbasim kohë më shumë së sa është humbur, por po fillojmë një rrugë që kemi nisur mandatin  e kaluar. Shteti nuk është këtu për të ndarë lëmosha, por që përmes fondeve të financojë suksese, në mënyrë që të zgjerohen kapacitetet e vetë shtetit?, ka thënë Rama.

Sipas tij, problematikat në këtë sektor tregojnë, se për shumë vite nuk është punuar fare.

Në lidhje me shqetësimin e fermerëve se përse shitet lirë, Rama ka thënë se çmimet  nuk i përcakton shteti, por tregu.

Kryeministri ka premtuar se së shpejti do të zgjidhet çështja e titujve të pronësisë mbi tokën, do të përmbyllet  projekti i ujitjes  dhe do të vijohet me një projekt të ri për mbrojtjen e tokës.

?Pjesa që shteti financon drejtpërdrejt është vetëm njëra prej mundësive dhe ne do të financojmë vetëm ato kultura që janë gjykuar si kultura me dobi dhe kush do të kërkojë financim duhet të ndjekë këtë politikë?, u ka thënë Rama fermerëve./CityNews





Lajmet e fundit nga