E fundit!

14:51 Aktualitet

Pas më shumë se 5 orësh, Igli Tare del nga SPAK

Ish-futbollisti i Kombëtares shqiptare të futbollit, Igli ...

Këngëtari i njohur shpërthen kundër Rudina Magjistarit: "Akrobacira mediatike"

9 Dhjetor 2017, 10:58, Aktualitet CNA

Këngërtari i njohur Stefi Prifti i cili njihet për zërin origjinal dhe të kënduarit “live” është revoltuar pas emisionit “Rudina” ditën e djeshme.

Moderatorja Rudina Magjistari kishte ftuar dje për diskutim në studion e saj disa gazetarë, të cilët përmendën stonimin e këngëtares nga Kosova, Fifi, e cila nga ana e saj u kërkoi ndjesë fansave, të cilët mund t?i kishte zhgënjyer gjatë debutimit të këngës ?Zhurmë?.

Këngëtari i cili konkuron në “Kënga Magjike”, bashkë me vëllain e tij me këngën ?E prek magjinë?, si një profesionist në muzikë nuk mund ta mbante gojën mbyllur as këtë herë.

Sapo ka përfunduar emisioni, ai ka shkruar një status të gjatë në rrjetet sociale ku shkruan se gazetarët e ftuar i vlerëson për punën e tyre por jo si kritikë arti.

Ai argumenton si më poshtë:

“Për gjithçka dhe për çdo gjë! E ndoqët emisionin e pasdites të Rudina Magjistarit në ?Klan?? A mund të më thotë dikush, ky vend që quhet Shqipëri nuk ka muzikantë dhe kritikë arti për të vlerësuar muzikën shqiptare? Unë e di që ka shumë, por janë të papunë. Pothuaj nuk i ftojnë për të folur dhe diskutuar. Si ka mundësi që çdo opinion apo ?kritikë? do ta bëjnë vetëm gazetarët e portaleve?! Flasin për produksionet sikur të ishin karamelja, njohës të notave, harmonisë, ritmeve, teknikës, gjendjes, llojit, ndjesisë, miksimeve, masterizimeve, etj..

Askush prej tyre nuk ka asnjë vit studimi të vërtetë rreth muzikës dhe kritikës muzikore. Nuk bëhet fjalë për studime shumëvjeçare që kërkon MUZIKA!Unë që po shkruaj këtë status kam bërë 16 vjet studime, gjithë jetën me muzikë dhe e kam shumë të vështirë, ose jam shumë i kujdesshëm në opinionet e mia kritike. Këta flasin për stonimet e pafundme ?më pëlqejnë stonimet e shumta, sepse tregojnë që këndohet live??! Më vjen shumë keq, që sonte diskutohej një festival muzike dhe në këtë panel nuk ndodhej asnjë muzikant apo kritik arti! Disa nga këta gazetarë i vlerësoj për programet e tyre personale, por nuk mund të pajtohem kurrë me ndikimin e tyre në audiencë publike, analitike dhe ndikimit të drejtpërdrejtë të publikut në këtë vorbull shijesh!

Natyrisht, mendimin e tyre do ta respektoja si mendim të lirë, por nuk kanë vend fare për analizë artistike. Si munden dhe marrin kurajën të flasin për gjithçka, për çdo gjë?! Politikë, art? për gjithçka, e për çdo gjë!

Vetëm këtu ndodhin këto ?akrobacira? mediatike! Së pari (me gjithë respektin që kam), mendoj se ishte një përzgjedhje e keqe e vetë moderatores për këtë analizë.

E meqenëse siç u diskutua në emision, që sot jemi të lirë për të shprehur mendimet dhe pa hatërmbetje, edhe unë nuk dua të keqkuptohem dhe t?i ngeli hatri askujt. Mos të filloj të flas për vjedhjet e pafundme dhe asnjëherë të diskutueshme, dhe as që bëhet fjalë të dënueshme?! Eh! Mbase bëj gabim që shkruaj, por kurrë nuk jam pajtuar me mashtrimin dhe intrigën, edhe pse e di që më dëmton personalisht në këtë garë këngësh, apo debat të pabarabartë?./CityNews