E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Ende nuk e keni bërë pemën? Ja disa ide nga të famshmit shqiptarë

9 Dhjetor 2017, 10:12, Aktualitet CNA

Ndezja e dritave të pemës paralajmëron festat, fishekzjarrët, mbarimin e një viti. Për të gjithë ata që ende nuk e kanë realizuar pemën e Krishtlindjeve dhe Vitit të Ri, më poshtë keni disa ide nga disa nga personazhet më të famshme të ekranit shqiptar:

Ledion Liço është ndër të parët që ka hapur dyert e shtëpisë për fansat në Instagram, për të treguar atmosferën e festave që ka përfshirë familjen e tij. Si çdo vit ai ka realizuar pemën e Krishtlindjes dhe në videon e publikuar, miku i tij më besnik i qëndron gjithmonë pranë. Bëhet fjalë për qenin e tij Jobs, i cili shihet teksa qëndron në dhomën e ndenjes duke i shtuar asaj akoma edhe më shumë bukuri.

Marina dhe Getoari kanë zbukuruar gjithashtu pemën e Krishtlindjeve. Çifti ka nxituar që ta bëjë publike pemën nëpërmjet një postimi në ?Instagram?. Ka qenë Geti ai që ka publikuar i pari këto imazhe. Me sa duket është një pemë modeste e zbukuruar me topa dekorativë dhe me simbole tipike të festave, por edhe me disa fytyra kukullash që e bën të veçantë këtë pemë nga gjithë të tjerat. E veçanta qëndron te kurora, një zbukurim që vendoset për vit të dytë radhazi në krye, në vend të yllit.

Në shtëpinë e Miriam Canit dhe Alban Skënderajt, bredhi i vitit të ri është më i bukur se kurrë! Padiskutim që shkëlqimin ia jep dhe prezenca e Amelisë, por jo vetëm. Këtë herë topat zbukurues të bredhit mbajnë si zbukurim fotografinë familjare të këngëtarëve me vajzën.

Miriami ka postuar një foto shumë të këndshme të Amelisë teksa mban në duar njërin nga zbukurimet. Duket se këtë vit festat do të jenë më të bukura se kurrë në familjen e tyre.

Shtëpia Mamaqi gjithashtu është futur në atmosferën e festave të fundvitit, pasi në video shihet edhe një pemë e madhe Krishtlindjesh. Në foto, moderatori shihet duke luajtur me të birin Joel, si dhe dallohet një pjesë e dhomës së ndenjes dhe asaj të ngrënies./CityNews