E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Rrëfehet moderatorja e "Kënga Magjike": Surprizat, specialitet i Ardit Gjebreas! Finalja do të jetë shpërthyese

9 Dhjetor 2017, 08:25, Aktualitet CNA

Për të është hera e dytë që merr pjesë në një festival të përmasave të mëdha siç është ?Kënga Magjike?. E megjithatë, për Nevina Shtyllën, skena dhe publiku gjigant janë gjithnjë një emocion i veçantë si dhe një ndjesi unike.

Një ditë para natës finale të ?Këngës Magjike?, moderatorja simpatike ka zbuluar për Iconstyle.al disa surpriza që na presin të shtunën mbrëma.

Nevina Shtylla tregon sesi është të punosh me Ardit Gjebrean, ndërsa pranon se surprizat dhe gjetjet e veçanta që mahnitin publikun, janë specialitet i tij. Pas lajmit se Arditi do të përshëndesë publikun me një duet në skenë, bashkë me vajzën e tij Ana, Nevina paralajmëron surpriza të tjera duke thënë se ?finalja do të jetë shpërthyese?.

Moderatorja tregon edhe marrëdhënien që ka me dy kolegët e rinj, Bes Kallakun dhe Erion Isain. Për më tepër, mund të lexoni intervistën më poshtë:

Si ishte rikthimi në skenën e Këngës Magjike përkrah moderatorit Ardit Gjebrea?

Ishte diçka që nuk e prisja sigurisht. Mendoja se gjithçka do të përfundonte me natën finale të vitit 2014 dhe u surprizova vërtetë nga ky propozim i dytë. Është gjithnjë privilegj të jesh në krah të Ardit Gjebreas dhe të marrësh sado pak nga eksperienca e tij. E besoj kjo vlen për këdo, jo vetëm për mua. Po e shijoj shumë.

-Si u bë këtë vit përzgjedhja e moderatorëve?

Detajet e sakta nuk i di, megjithatë mund të them se jemi një grup që funksionon dhe di të bashkëveprojë si duhet.

-Cili ka qenë momenti kur ke pasur më tepër emocione gjatë këtyre dy netëve?

Përballja e parë me publikun në skenë të dhuron një ndjesi unike. Është pikërisht ky moment që të shkarkon nga çdo emocion dhe të mundëson të shijosh në maksimum çdo çast që pason.

-A ndodh gjithçka, çdo batutë apo gjykim i jurisë me skenar apo ka dhe improvizime?!

Në këto dy netë ndoshta ka patur më tepër improvizime se ndjekje strikte skenari. Normalisht çdo produkt i mirë televiziv ka nevojë për një skenar bazë por lirshmëria është thelbësore sidoqoftë. Sa i takon jurisë, është e vetmja që gëzon liri të plotë dhe nuk ka asnjë lloj skenari për të ndjekur.

-Si ishte bashkëpunimi me Bes Kallakun dhe Erion Isain? Ndonjë batutë/këshillë e çunave që të ka mbetur në mendje?

Çunat janë të dy shumë të talentuar dhe gëzohem që munda t?i njoh personalisht. Kanë vite eksperiencë më tepër se unë dhe sigurisht këshillat e tyre i kam mirëpritur dhe i kam ndjekur.

-E kujt ishte ideja që të dilnit të veshura me kostum? Çfarë mesazhi përcollët?

Unë kam qenë gjithmonë kurioze të di se si funksionon mendja e Ardit Gjebreas. Është e mahnitshme sa mirë e njeh ai televizionin. Ishte një gjetje e tij për të përçuar sigurisht një mesazh të rëndësishëm: Gruaja nuk është objek zbukurimi por partnere.

-Është vendosur sesi do të visheni në natën finale?

Po sigurisht. Do të jenë veshje të bukura, ndoshta me tepër se ato të parat. Por nuk dua të zbuloj asnjë detaj tjetër.

-Arditi tashmë zbuloi se do të këndojë me vajzën në natën finale. Do të ketë surpriza të tjera mbrëmjen e së shtunës?

Surprizat janë specialiteti i Arditit ndaj bëhuni gati. Finalja do të jetë shpërthyese.

-Cila është kënga e preferuar? Ke ndonjë fitues në mendje?

Unë duke patur statusin e prezantueses nuk më lejohet të shfaq anshmëri por i kam disa të preferuar. Ka patur konkurencë të fortë këtë vit dhe përzgjedhja e fituesit nuk do të jetë e lehtë./CityNews