web counter
LEXO PA REKLAMA!

SHKARKO APP

App Store
Google Play

E fundit!

x

Dritan Leli shpërdoron fondet publike/ 66 milionë lekë për një makinë

6 Dhjetor 2017, 15:40, Aktualitet CNA

Kryebashkiaku i Vlorës, Dritan Leli, së fundmi është përmendur shpesh herë si shpërdorues i fondeve publike.

Sipas raportimeve dhe dokumentave të siguruar nga ?TPZ?, Dritan Leli ka bërë një shpenzim luksi duke porositur një makinë luksoze për administratën, tip fuoristradë, me një çmim që kapte vlerën e 66 milionë lekëve.

Sipas dokumentave fondi limit është 6.666.667 lekë pa tvsh, ndërsa kohëzgjatja e kontratës për ekzekutimin është deri në 10 ditë nga lidhja e kontratës.

Automjeti kërkohet që të jetë me 0 kilometra, ndërsa të jetë prodhuar në vitet 2015 ose 2016. Gjithashtu, numri i dyerve të jetë 5, ndërsa të ketë 7 vende. Leli ka kërkuar një automjet me kambiu automatike, me fuqi motorike 2800 kubikë si dhe të jetë 4×4 me bllokues diferenciali.

Ngjyrën e makinës e preferon të jetë gri, sediljet prej lëkure, të ketë sistem navigacioni, fenerë xenon led, të ketë pedana anësore fikse, apo edhe xhama të errët origjinal. Leli e kërkon automjetin me sensor parkimi para dhe pas, të ketë kamera të pasme, sedilje me ngrohje përpara dhe me rregullim elektrik.

Nëse do të bënim një krhasim midis kryebashkiakut të Tiranës, Erion Veliaj dhe atij të Prishtinës, Shpend Ahmeti, mund të themi se Veliaj përdor një makinë hibride shumë herë më të lirë dhe Ahmeti nuk përdor makinë personale, por vetëm transport urban, ndryshim ky i dukshëm midis kryebashkiakëve.

Më poshtë ju sjellim dokumentin e plotë. /CityNews





Lajmet e fundit nga