Valë denoncimesh në drejtoritë arsimore dhe MAS/ “Mësuesit e shkollave, nevojë urgjente për psikolog”

5 Dhjetor 2017, 13:42, Aktualitet CNA

Nga ARTUR AJAZI

Duket se nevoja për psikolog është më urgjente për mësuesit , dhe jo vetëm për nxënësit. Ky konstatim ndoshta do të duhet të përmbysë opinionin dhe faktin e trajtuar shumë vitet e fundit sipas të cilit ?psikologu shumë i nevojshëm në shkolla për nxënësit problematikë?.

Por duket se shenja e barazimit po vendoset edhe për një pjesë mësuesish. Kjo për faktin sepse kohët e fundit, nga prindër dhe të afërm të nxënësve, në pothuajse të gjitha shkollat 9 vjeçare, dhe të mesme po tregohen dhe denoncohen akte dhune psikologjike, apo edhe shfaqje depresioni nga mësueset e klasave të 8 dhe 9 dhe ciklit të ulët.

Në dy javët e fundit, qindra denoncime dhe ankesa kanë vajtur në drejtoritë arsimore të rretheve dhe Ministrinë e Arsimit , nga prindër që shfaqin shqetësimin e tyre të ligjshëm ndaj fenomeneve negative, që kanë konstatuar në shkollat ku fëmijët e tyre mësojnë.

Prindërit ankohen se ?në shkolla ka mësues dhe mësuese që konsumojnë më tepër kohë me celularin se sa me shpjegimin e mësimit, më tepër i stresojnë fëmijët dhe nxënësit se sa i japin atyre dije, më tepër tregojnë mungesë takti dhe edukate, se sa u përshfaqin fëmijëve shembullin e mirë të edukatorit, gjë e cila ka sjellë më shumë deformime dhe strese tek nxënësit?.

Nga ana e saj Ministria e Arsimit po u delegon DAR-eve në rrethe të gjitha shqetësimet dhe problemet e mbërritura në portalin e atij institucioni, dhe kërkon nga drejtuesit e rretheve verifikimin, konstatimin e rasteve dhe marrjen e masave urgjente . Burime zyrtare thanë se ?shqetësimet dhe ankesat më të shumta ishin veçanarisht nga Tirana, Elbasani, Durrësi, Peshkopia, Fieri, Berati etj, dhe kryesisht nga mësues të ciklit 9 ?vjeçar dhe të mesëm. Shqetësimet e prindërve nuk kanë munguar të mbërrijnë edhe në redaksitë e gazetave.

Një prind nga Elbasani i deklaroi se ?vajza ime pothuajse çdo ditë vjen nga 9 vjeçarja dhe më tregon me frikë skena të cilat e kanë shokuar atë, dhe nxënësit e tjerë të klasës saj. Skena të bëra pothuajse çdo ditë demonstrativisht nga mësuesja, duke nisur nga bisedat e gjata në celular në orarin e mësimit, sharjet, debatet në prani të nxënësve me telefonuesin e saj, e duke përfunduar tek ndonjë xhest i dhunshëm, depresiv me të cilat ajo shoqëron orët e mësimit?.

Duke vazhduar denoncimin e saj gruaja nga Elbasani tha se ?ky vit ashtu si edhe vitet e tjera mësueset e shkollës ku mëson vajza ime, ka nisur sërish me të njëjtat avaze, forma dhe metoda stresante dhe të lodhshme për fëmijët, shpjegimin e mësimit, komunikimin me nxënënësit, ku konstatohet se nuk kanë takt fare, në çdo problem dhe detaj të orëve të mësimit, dhe më kryesorja mbetet fakti, se kur vajza më vjen në shtëpi më thotë se ?nuk shkoj më tek ajo shkollë, mësuesja vetëm bërtet, zihet me dikë në telefon, shan, fyen dhe bën xheste me duar dhe këmbë, kurse ne strukemi poshtë bankave me njëri-tjetrin?.

Këtë fakt tronditës prindi nga Elbasani e ka treguar edhe tek DAR, si dhe e ka bërë prezent edhe tek portali MAS, ndërkohë që ka nisur verifikimi problemeve të shfaqura në disa shkolla. Raste të ngjashme janë denoncuar në redaksi edhe nga qytete të tjera. Një prind nga Durrësi deklaroi se ?djalin tim në shkollën e lagjes 13 e streson çdo ditë mësuesi kujdestar. Nuk ka javë që nuk i kërkon lekë për fletore, për fotokopjet, për perdet, për shkumsat, aq sa ja ka nxirë jetën gjithë klasës, në DAR na përcjellin me premtime dhe fjalë të bukura?.

Duket se nevoja urgjente për psikologun në shkolla, ka kaluar në vendin e parë për vetë mësueset, të cilat debatet, problemet dhe të gjitha ngarkesat negative të bartura nga familja apo rrethi i tyre i ngushtë shoqëror, ja zbrazin ndoshta pa dashje nxënësve në klasa.

Wshtë e papranueshme të mësosh dhe zbulosh që një mësuese arrin deri aty sa flet me minuta të tëra, ose gjatë gjithë orës së mësimit me celularin e saj, është e papranueshme të mësosh dhe të dëgjosh nga goja e prindërve të shqetësuar se si, një mësuese, edukatore e brezit të ri, përdor fjalë fyese në klasa si ?fyçkë, budallaqe, or debil? dhe të heshtësh duke mos marrë asnjë masë.

Drejtoritë e shkollave dhe DAR-et në rrethe, duhet të atashojnë me urgjencë psikologun në institucionet e tyre pikërisht për mësuesit,(kryesisht ato të portaleve) pasi duket se ata janë të parët që kanë nevojë për relaksim mendor, dhe uljen e nivelit të depresionit që i shoqëron qysh herët në mëngjes derisa mbaron orari mësimit.

Nxënësit në shkolla duhet të jenë të qetë, kurse prindërit duhet të kenë besimin e patundur se, fëmijët e tyre në shkolla mësojnë dhe formohen nga mësues normalë dhe të aftë profesionalisht. Denoncimet kanë ardhur nga prindër që fëmijët e tyre i kanë në pothuajse të gjitha shkollat kryesisht në ato 9 vjeçare, ndërkohë që apelojnë tek MAS dhe DAR-et e rretheve të tyre për të verifikuar, kontrolluar, por edhe për të marrë masa drastike ndaj çdo mësuesi ose mësuese, që problematikat familjare e personale i përshfaq dhunshëm të shoqëruara me veprime depresive, në klasa me nxënësit.

Prindërit shprehen të shqetësuar për mbarëvajtjen e fëmijëve të tyre, dhe shpesh po kërkojnë largimin nga njëra shkollë tek tjetra. Por kjo nuk është zgjidhja e duhur, pasi në rast se drejtoritë e shkollave nuk kanë fuqi ligjore, dhe heshtin për veprime të tilla të ndonjë mësuesi depresiv, duhet të jenë drejtoritë arsimore, që duhet të ndërhyjnë me forcën e ligjit dhe rregulloreve të miratuara nga MAS, për të flakur nga shkollat ato mësuese që nuk janë të afta jo vetëm profesionalisht, por edhe psiqikisht për të qenë edukatorë të brezit të ri.

Nga ana tjetër MAS, duhet me urgjencë të fusë kryesisht në shkollat 9 vjeçare, psikologun për mësuesit, (kryesisht mësuesit e rinj) pasi mjaftojnë rastet e denoncuara në media për të mos e vonuar asnjë ditë të vetme zgjidhjen e kësaj problematike, e cila ka sjellë situata të rënda në klasa shkollore të vendit, që deri sot kanë qenë mbajtur ndoshta të fshehura.