web counter
LEXO PA REKLAMA!

SHKARKO APP

App Store
Google Play

E fundit!

x

Si po përdor Veliaj gjobat për të përfituar mbështetjen e qytetarëve?

5 Dhjetor 2017, 11:37, Aktualitet CNA

Kryebashkiaku i Tiranës, Erion Veliaj mund të quhet thjeshtë dhe vetëm me një fjalë ?fantastik? në mënyrën e sjelljes së tij politike dhe gjithçka ai bën nëpërmjet propagandës dhe veprimeve për të siguruar mbështetje sa më të gjerë politike në opinionin publik.

Përtej shfaqjes duke u lëpirë nga qeni apo duke bërë sikur mbjell pemë, kur ndodhet duke fjetur në hotelet luksozë të Europës, Azisë, apo Amerikës, Veliaj ka filluar edhe një strategji tjetër, atë të gjobave dhe kërbaçit mbi qytetarët dhe më pas lojës me faljen e tyre për të dalë ?i mirë? dhe ?zemergjerë? me qytetarët dhe për të fituar mbështetjen dhe votat e tyre.

CityNews disa ditë më parë kreu një investigim të plotë sesi Veliaj në mënyrë abuzive gjobiste qytetarët e Tiranës për parkimet gjatë ditës së festave, sesi Veliaj nuk i njihte ditët e pushimit të vendosura me ligj apo me vendime qeverie.

?Fantastiku? i propagandës dhe i mashtrimeve publike, Erion Veliaj, i përdor gjobat ndaj qytetarëve edhe për të përfituar politikisht. Ai ka një skemë të mirëpërgatitur e cila funksionon si më poshtë:

Gjobat e vendosura në mënyrë abuzive kontrollohen të gjitha prej tij. Ai bën rolin e të paditurit, si në rastin e sulmit të policisë bashkiake ndaj qytetarëve për festat e nëntorit, por edhe gjoba të tjera të cilat vendosen nga policët bashkiakë, të cilët shpesh porositen që edhe ?të gabojnë? me ndëshkimin që ju bëjnë qytetarëve.

Qytetarët pasi dënohen, secili prej tyre e kupton ?gabimin? dhe tejkalimin e kompentencës, shkon dhe ankimohet më pas me një proçedurë dhe një komision në Policinë Bashkiake.

Pasi ky komision merr një vendim të dytë, është vetë Veliaj që i njofton qytetarët se gjoba ju është falur prej tij. Nëpërmjet një mesazhi në telefonin e tyre, qytetarët njoftohen se është Veliaj që ju ka falur gjobën me vendimin e tij të radhës duke vendosur në vend padrejtësinë ndaj qytetarit, kur në fakt është vetë Veliaj që i vendos gjobat dhe më pas i heq, duke përdorur një skemë mashtruese ndaj qytetarëve, duke mundësuar përfitime personale duke dalë i ?mirë? me qytetarët me mundësitë që ata më pas të jenë pjesë e armatës së tij votuese./ CityNews

http://www.citynews.al/2017/11/veliaj-kapet-duke-vjedhur-qytetaret-e-tiranes/1

http://www.citynews.al/2017/11/skandali-policia-bashkiake-mbyt-ne-gjoba-qytetaret-ne-ditet-e-festave/1

http://www.citynews.al/2017/12/kryebashkiaku-nuk-njeh-vendimet-qeverise-dhe-festat-zyrtare/1





Lajmet e fundit nga