E fundit!

09:55 Aktualitet

"Ndryshimet rrënjësore në strukturat e PD-së janë pozitive"/ Kikia: Përfshirja e të rinjve nuk duhet bërë për kozmetikë

Gazetari dhe analisti Mentor Kikia ka folur sot lidhur me ...

LSI, 8 vjet në pushtet, partia më e korruptuar dhe sekti më hajdut

5 Dhjetor 2017, 10:56, Aktualitet CNA

Shqipëria tani ka një front opozitar por dy parti kryesore përballë socialistëve, njëra është Partia Demokratike e Lulzim Bashës dhe e dyta LSI, partia që Ilir Meta tashmë ja ka dhënë bashkëshortes së tij Monika Kryemadhi.

Drejtuesit e kësaj partie janë më të ashpër dhe më të egër se demokratët, dhe në rast se PD ka katër vite në opozitë, LSI nuk ka bërë ende katër muaj. Akuza të forta vijnë nga LSI për qeverinë, për katër vitet e shkuara të qeverisë së Edi Ramës, a thua se partia e Metës ishte në opozitë dhe jo gati gjysma e qeverisjes së djeshme apo 20% e mandatit të dytë e qeverisë së Berishës.

Opozitarizmi i LSI-së është për tu vlerësuar, por moralisht në fakt ai është i rënë. LSI-ja ka vetëm pak javë që ka dalë në opozitë, pas 8 vitesh në pushtet, një herë me katër dhe më pas me 16 deputetë, duke drejtuar institucionet kryesore qeverisëse të vendit, të cilat i zhyti në llumin e korrupsionit, skandalit dhe abuzimeve.

Aq shumë korrupsion mbolli partia e Ilir Metës, sa ky i fundit vetë u kap me bllok në dorë duke bërë pazar për 700 mijë euro. Forca politike që çdo emërim e bënte me lek në dorë, kur emëroheshe në administratë, një pjesë të rrogës duhej ta çoje te partia, pa folur më pas për tenderat në shumicën e institucioneve ku pa paguar ?haraçin? në emër të partisë nuk kishte ansjë shanc të fitoje.

E në rast se ka një forcë politike që korrupsionin e ka shtyllën e saj kurrizore, kjo është LSI-ja, e cila pasi vodhi dhe plaçkiti tetë vite në pushtet, tani kërkon të bëjë rolin e Hirushes apo të sillet si një virgjëreshe, mëgjithëse tetë vite shërbeu si një ?prostitutë? politike.

LSI-ja ndoshta edhe mirëpritet nga qytetarët për shkak të agresivitetit të saj si opozitë, por në fakt morali dhe kredibiliteti i sektit të hajdutëve të Ilir Metës vlen pak a shumë sa ajo që thamë në fjalinë e mësipërme./ CityNews