web counter
LEXO PA REKLAMA!

SHKARKO APP

App Store
Google Play

E fundit!

x

Mos vrisni biznesin si tregtarët pas luftës

29 Nëntor 2017, 12:50, Aktualitet CNA

Shqipëria në vitin 2017 çuditërisht ndoshta është i vetmi vend në Europë që ka të njëjtin mentalitet ndaj biznesit si komunistët kur erdhën në pushtet në vitin 1944.

Në atë kohë, babai i fatos Lubonjës, Todi Lubonja dhe shokët e tij bashkëpunëtorë të diktatorit Enver Hoxha shkuan në shtëpitë e tregtarëve, i rrahën, i burgosën, i pushkatuan, ju morën florinjtë, pasurinë dhe katandinë.

Sot kemi të njëjtin mentalitet, mjafton të lexosh dhe të reagosh qëndrimet që vijnë nga zoti Lubonja, fatkeqësisht nga LSI por dhe nga segmente të ndryshme të politikës.

Një grup biznesmenësh, investitorët kryesorë në vend, që punësojnë dhjetëra-mijëra njerëz në Shqipëri, që gjenerojnë zhvillim ekonomik dhe rritin mirëqënien e mijëra familjeve, po akuzohen njësoj si dje, apo në vitet ?45.

Nuk quhen më tregtarë apo pasanikët që kishin ?pirë? gjakun e popullit, por quhen oligarkë, sepse janë biznesmenë dhe kanë pasuri.

Në 30 vite shumë prej tyre kanë investime jo vetëm në Shqipëri, por dhe përtej kufirit. Investime me disa dhjetëra milion euro, zhvillim në shumë fusha, taksapaguesit më të mëdhenj në vend, por nga ana tjetër dhe të sulmuarit më të mëdhenj.

A kanë probleme me taksat, këtë e kontrollon shteti dhe tatimet (dje dhe sot). Po një gjë është e sigurtë, bizneset e mëdha me miliona euro nuk gjenerojnë kurrë informalitet, ato mund të kenë problematikat e tyre dhe kuptohet si në çdo vend të botës bizneset përdorin ide dhe lidhje të caktuara për tu zhvilluar dhe rritur më tej.

Ne në Shqipëri e quajmë klientelizëm dhe korrupsion të oligarkëve dhe politikës, por në fakt shumica e këtyre bizneseve qëllim të vetëm kanë formalizimin dhe konkurencën e ndershme.

Ashtu si shtatëdhjetë vite më parë, sot ka një frymë, një mentalitet urrejtje dhe hakmarrje ndaj biznesit. Nga njëra anë qëndrojnë disa pafillo me disa teori dhe koncepte komuniste që urrejnë biznesin dhe investitorët i shohin si armiq. Nga ana tjetër qëndron qeveria dhe politika që kërkon ti rrjepë me taksa, dhe kërkon ti ketë peng për përfitime korruptive.

Rasti i artë do të ishte afrimi i medias dhe bashkëpunimi i saj me biznesin, kuptohet jo për interesa klienteliste dhe korruptive siç bëjnë disa botues mediash që në fakt janë vetë pseudo biznesmenë apo me keq akoma trafikante, por askush nuk i përmend sepse kanë gazeta dhe televizione. Në fakt media shpesh sulmon bizneset, kryesisht për gjobëvënie, pronarë mediash që sulmojnë rivalët e tyre, por edhe akuzojnë për të vendosur gjoba dhe për të fituar në mënyrë të pandershme, në Shqipëri të tillë ekzistojnë plot.

Ekzistojnë të gjitha rastet, biznesmenet “armiq”, biznesmenët që i quajnë oligarkë dhe armiq si tregtarët dje, mediat dhe biznesmenët e mediave që gjobisin konkurentët e tyre, shteti dhe pushteti që kërkon haraçin mbi biznesin e kështu me radhë.

Pa lënë mënjeanë klientelizmin dhe korrupsionin, problemi në Shqipëri nuk janë biznesmenët e mëdhenj, ata që duan ti varin si ish-tregtarët pas luftës, problemi është qeverisja e vendit dhe sistemi që kemi ndërtuar, jo biznesi dhe aksionet e tij. Biznesi është motori i zhvillimit të vendit./ CityNews





Lajmet e fundit nga