web counter
LEXO PA REKLAMA!

SHKARKO APP

App Store
Google Play

E fundit!

x

Foto/ Njihuni me partizanët që u puthën në buzë në çlirimin e Tiranës

24 Nëntor 2017, 19:59, Aktualitet CNA

Historiani Kastriot Devishi në rrejetet e tij sociale, ka publikuar një foto nga Arkivat e Shtetit ku duken dy partizanë, që puthen në buzë, në ditën kur u shënua fitorja e partizanëve dhe çlirimi i Tiranës.

Bëhet fjalë për foton e cila para një viti tronditi opinionin publik dhe krijoi debate të nxehta.

Në shkrimin Dervishi ka pohuar se në momentin e shkrepjes së fotos, prezent ka qenë një i moshuar dhe një fëmijë.

Statusi i plotë:

?1944/Puthja e burrave

Para një viti kur u bë më shumë e njohur fotoja e puthjes buzë më buzë të dy partizanëve më 20 nëntor 1944 në Tiranë, të shumtë ishin kureshtarët që kërkonin të shihnin një foto tjetër të ?çiftit?. Pasi çështja u konsultua me ?veteranët? e luftës që në atë kohë kanë qenë 0-3 vjeç, nisur nga fakti se në muajin nëntor e kam zakon të nxjerr gjëra interesante në lidhje me temat e viteve të luftës, po publikoj edhe foton ballore të çiftit. Siç edhe shihet, takimi sa përmallues aq edhe erotik i çiftit është bërë në prani në një partizani të shkuar në moshë, si dhe në sy të një partizani të vockël kapelemadh. Ndërsa i moçmi është shastisur e sheh me habi, i vogli ka nisur të qeshë. Të dy burrat kanë vënë në punë duart e lira (të majtat), të cilat i kanë përdorur si morseta në krye, në mënyrë që puthja të ishte më e thellë dhe sigurisht më e ndjerë. Vendi i fotografimit është te rruga e Kavajës. Kur partia po qëmtonte fotot nga koha e ?lavdishme? e luftës, qatipët e saj vendosën që këto foto të mos ruheshin. Për këtë arsye këto filmat e këtyre fotove, kanë shenja kryqesh. Megjithatë, filmat i mbijetuan kohës?. /CityNews





Lajmet e fundit nga