web counter
LEXO PA REKLAMA!

SHKARKO APP

App Store
Google Play

E fundit!

x

Vasili sulmon EURALIUS/ Ka qasje të njëanshme dhe klientelizëm politik

24 Nëntor 2017, 19:52, Aktualitet CNA

Kryetari i grupit parlamentar të Lëvizjes Socialiste për Integrim, Petrit Vasili, ishte i ftuar në studione televitionit “Report Tv”, ku ka komentuar situatën aktuale politike në vend.

Teksa u ndal tek çështja e zgjedhjes së Kryeprokurorit të ri, pas përfundimit të mandatit të Adriatik Llallës, ai ka sulmuar EURALIUS-in, si të një anshëm. Vasili tha se askush nuk e ka pyetur OPDAT-an dhe EURALIUS-in për rekomandime mbi zgjedhjen e Kryeprokurorit të ri, që të thotë se duhet të jetë i pëkohshëm.

“OPDAT dhe EURALIUS, në radhë të parë unë nuk di se kush i ka pyetur. Nuk i kam kuptuar dot OPDAT-in dhe EURALIUS-in, në mënyrë të veçantë këtë të fundit. Unë e kuptoj shumë mirë se çfarë fshihet lidhur me këtë çështje pasi EURALIUS ka qenë një mekanizëm shumë i prerë, qoftë edhe për ndryshimet me të vogla. Mbaj mend për diskutimin për Ministrinë e Drejtësisë dhe të disa ligjeve të tjera. Ndërkohë që sot vet ofrohet. Unë nuk di që ka ndonjë kërkesë zyrtare nga ana e Kryetarit të Kuvendit për ndonjë interpretim. EURALIUS, para së gjithash, duhet të shprehet për mekanizmat kushtetuese të cilat bllokuan mundësinë e zgjedhjes së Këshillit të Emërimeve në Drejtësi dhe ia bën të pamundur Presidentit të Republikës që të hidhej shorti. Këtu do të kërkohej interpretimi i EURALIUS-it. Nuk i kuptoj dy standardet e tij: Vetofrohet t?i japë Kuvendit këshilla dhe institucionet e tjera apo aktorët e tjerë kushtetuese që realizojnë reformën për të nuk ekzistojnë. Kjo do të thotë që edhe persona të caktuar brenda EURALUSI-it kanë një qasje të njëanshme dhe këtij klientelizmi politik i cili nuk e ndihmon reformën. Kjo duhet të marrë fund.”, – deklaroi Vasili. /CityNews





Lajmet e fundit nga