web counter
LEXO PA REKLAMA!

SHKARKO APP

App Store
Google Play

Vasili nga Brukseli/ Treguam të vërtetat që fsheh Qeveria

22 Nëntor 2017, 14:31, Aktualitet CNA

Kryetari i Grupit Parlamentar të Sigurisë, Petrit Vasili ndërsa ndodhet për vizitë zyrtare në Bruksel, është ndalur edhe tek situata aktuale politike në Shqipëri, sipas tezës, se Qeveria po favorizon krimin.

Në një intervistë për ABC News, ai ka deklaruar se ndodhet në Bruksel me misionin për të përçuar të vërtetat që fsheh Qeveria.

?Besoj që problemi qëndron këtu, ne jemi në rradhë të parë këtu me misionin që në Europë të çojmë atë problematikë e cila në kanalet e komunikimit edhe diplomatik, mbase dhe raportimeve të rrumbullakosura dhe konformistë që vijnë edhe nga Europa që ndodhet në Tiranë.  Të biem ato të vërteta që janë këtu jo thjesht dhe vetëm për të treguar një Shqipëri që ka problem por për të treguar sesi zgjidhen këto probleme pasi nuk besoj që Europës i intereson të ketë një Shqipëri që të rri te pragu i derës së saj, për të mos hyrë kurrë në të .Prandaj ne kemi qenë jo thjesht dhe vetëm në pozicionin opozitar por ti tregojmë disa të vërteta të cilat thashë dhe njëherë për fat të keq Shqipëria qeveritare dhe Europa që ndodhet në Tiranë nuk i raporton ashtu siç duhet, sigurisht këtu ndoqëm me shumë objektivitet?, është shprehur Vasili.

Sipas të njëjtit, mediat europiane dhe pse ajo përtej oqeanit kanë qenë një hap para politikës dhe pikërisht këtu ka treguar pushtetin e madh dhe të paçmueshëm të tyre.

?Por ne bëmë atë që politika ka për detyrë ta bëjë dhe të thotë në të gjitha tavolinat. Kam parë një qëndrim dashamirës dhe objektiv dhe për këtë jam mirënjohës këtij takimi. Besoj që dëshmitë nga Shqipëria janë negative dhe besoj të hidhura?, ka thënë ndër të tjera Vasili.





Lajmet e fundit nga