OPDAT dhe EURALIUS në një linjë me ZGJIDHJEN: Kryeprokurori të zgjidhet me short

22 Nëntor 2017, 09:42, Aktualitet CNA

Në një postim në rrjetet sociale, kryetari I partisë ZGJIDHJA, Koço Kokëdhima, ka pohuar se SHBA dhe BE mbështesin propozimet e bëra nga partia e tij për zgjedhjen e kryeprokurorit.

Sipas Kokëdhimës OPDAT dhe EURALIUS, përkatësisht institucionet SHBA dhe BE mbështesin propozimin e bërë nga zgjidhja që të mos zgjidhet një kryeprokuror i PS-së dhe PD-së, por ai të caktohet me short.

?OPDAT dhe EURALIUS mbështetin propozimin e ZGJIDHJA-s për zgjedhjen e kryeprokurorit

Misionet e SHBA-së dhe BE-së që asistojnë Shqipërinë, përkatësisht OPDAT dhe EURALIUS u shprehën dje për zgjedhjen e një prokurori të përgjithshëm, pas mbarimit të mandatit të prokuirorit në detyrë. Në argumentet që parashtruan misionet, sugjerohet që zgjidhja të bëhet sipas Nenit 109, paragrafi 2 i Ligjit ?Për organizimin dhe funksionimin e prokurorisë në Republikën e Shqipërisë?, ku mes të tjerash theksohet se në rast se mandati i Prokurorit të Përgjithshëm përfundon para kohe, para themelimit të Këshillit të Lartë të Prokurorisë funksionet e Prokurorit të Përgjithshëm do t?i caktohen me short përkohësisht njërit nga prokurorët më me përvojë nga radhët e prokurorëve që plotësojnë kërkesat dhe kriteret e Kapitullit IV, Seksioni I të këtij ligji?.

Më tej Kokëdhima ka theksuar se çdo zgjidhje e PD-së dhe Rilindjes do të ishte e pabesueshme dhe jo e mirë pasi do të ishte një provokacion për opinionin publik.

?ZGJIDHJA e përshëndet këtë qëndrim të misioneve OPDAT dhe EURALIUS që mbështet propozimin e bërë prej saj, më 8 nëntor, kur kërkoi që të mos zgjidhet një kryeprokuror i PS-së dhe PD-së, por ai të caktohet me short. ?ZGJIDHJA propozon që kryeprokurori i ri i përkohshëm të zgjidhet me të vetmen mënyrë demokratike dhe asnjanëse që mund të ekzistojë në kushtet aktuale të Shqipërisë, nëpërmjet shortit. Të zgjidhet me short një nga prokurorët aktualë të Prokurorisë së Përgjithshme në postin e kryeprokurorit. Çdo zgjedhje e PD-së dhe e Rilindjes do ishte e pabesueshme, do ishte një provokacion i ri për opinionin publik të tejlodhur shqiptar?-deklaroi Kokëdhima për mediat dy javë më pare?. /CityNews