web counter
LEXO PA REKLAMA!

SHKARKO APP

App Store
Google Play

E fundit!

x

18 mijë mjekë do të presin korrikun e 2018-ës, për rritje pagash

22 Nëntor 2017, 09:32, Aktualitet CNA

Ministrja e Shëndetësisë Ogerta Manastirliu,  ka raportuar para Komisionit të Ekonomisë  programin e projekteve shëndetësore,  që pritet të mbulohen nga buxheti i 2018 -ës.

Në buxhetin e Ministrisë së Shëndetësisë për vitin 2018 parashikohet një dyfishim i investimeve në Shëndetësi rreth 3 miliard lekë bashkë me investimet e huaja.

Sipas ministres Ogerta Manastirliu,?Buxheti i Shëndetësisë dhe Mbrojtjes Sociale për vitin 2018 parashikohet të jetë 73 miliard e 80 milion lekë ose 4.43% i Prodhimit të Brendshëm Bruto.

Ky buxhet do të ndahet  në dy fusha të aktivitetit të Ministrisë së Shëndetësisë dhe Mbrojtjes Sociale, për Shëndetësinë do të financohen 49 miliard e 294 milion lekë ose 2.98% të PBB, ndërsa për Mbrojtjen Sociale do të financohen 23 miliard 785 milion e 750 mijë lekë.

Ndër të tjera, Ministrja theksoi se pritet të ketë rritje pagash, duke filluar nga korriku 2018. Përfitues i rritjes deri 5% do të jenë rreth 18 mijë mjekë dhe infermierë.

Sipas saj, nga korriku i vitit të ardhshëm mjekët dhe infermierët  do të paguhen më shumë.

 ?Do të ketë një rritje pagash duke filluar nga Korriku i 2018-ës. Përfitues të rritjes deri prej 5% do të jenë rreth 18 000 mjekë dhe infermierë. Për motivimin e dërgimit të mjekëve në këtë zonë, Ministria e Shëndetësisë dhe Mbrojtjes Sociale nëpërmjet Ministrisë së Financave do të përdori skemën e bonuseve, duke rritur skemën e bonusit nga 100 mijë lekë ose 1 milionë lekë të vjetra në një rritje të konsiderueshme nga 200 mijë deri në 250 mijë lekë në muaj?, ka thënë Manastirliu.

Sipas Manastirliut, prioritet për këtë vit do ketë përmirësimi i infrastrukturës për 80 qendra shëndetësore me një investim prej 260 milionë lekësh si edhe  dhe shtimi i flotës më 32 autoambulanca./ CityNews





Lajmet e fundit nga