E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rebelohet anëtarësia e Partisë Demokratike Shkodër

15 Nëntor 2017, 21:52, Aktualitet CNA

Partia Demokratike e Shkodrës ka nisur analizën në bazë duke u mbledhur në çdo grupseksion për të nxjerrë se çfarë nuk shkoi në zgjedhjet parlamentare të 2017 dhe për të përmirësuar për të ardhmen.

Ndalesa e radhës ka qenë në njësinë Guri Zi teksa është zhvilluar analiza në këtë grupseksion. I pranishëm ka qenë deputeti i PD Lorenc Luka, ish kryetar bashkie në 8 vite.

Për Lukën kjo analizë nuk ka shkuar siç duhet sepse antarsia është rebeluar ndaj tij dhe PD-së. Anëtarë të vjetër e deri në themelues të kësaj force politike në Gurin e Zi i kanë thënë deputetit Luka se PD është kthyer në shoqatë apo se nuk shkohet askund me kryetarin Lulzim Basha dhe se ky i fundit nuk gëzon respektin dhe mbështetjen e antarsisë duke qenë shkaktar i humbjes në zgjedhjet parlamentare të 2017.

Sipas burimeve te ShkodraNews anëtarët e PD në Gurin e Zi i kanë thënë deputetit Luka se Lulzim Basha i mashtroi ata duke i sorollatur e mbajtur 3 muaj në çadër kot e më pas veproi sipas dëshirës duke bërë marrëveshje me Ramën pa pyetur askend, gjë e cila solli edhe humbjen. Anëtarët të revoltuar i ka thënë deputetit Luka që të largohen nga aty dhe se nuk ka nevojë as për analizë dhe asgjë tjetër.

I pranishëm ka qenë edhe miku i Lorenc Lukës, Ahmet Omi, ish nënkryetar i bashkisë të cilit anëtarët e PD në Gurin e Zi i kanë thënë sipas të njëjtave burime se keni ardhur për të gënjyer katundarët.

Ky rebelim i anëtarsisë jo vetëm në Gurin e Zi, kujtojmë se sapo dha dorëheqjen kreu i grupseksionit në Rrethina Sadi Nezaj, po çon PD-në drejt asgjësimit të seksioneve dhe pakësim të ndjeshëm të votave ndërsa zgjedhjet e 2019 aq sa larg janë edhe afër përsa i përket anës organizative.

Anëtarët kërkojnë një lider të fortë por edhe një drejtim ndryshe si e vetmja mënyrë që PD të dalë nga këto vështirësi ku ndodhet aktualisht dhe të lërë këto analiza që janë fiktive dhe nuk sjellin asgjë./ShkodraNews