web counter
LEXO PA REKLAMA!

SHKARKO APP

App Store
Google Play

E fundit!

x

Shqiptarët marrin “medalje bronzi” si azilkërkues në Francë

15 Nëntor 2017, 21:40, Aktualitet CNA

Shqiptarët si azilkërkues në Francë janë shndërruar në një problem shqetësues dhe akut për politikën franceze. Takimi i ministrit Bushati me ministrin e brendshëm Collomb këtë verë pati si kryefjalë cështjen e azilkërkuesve, klandestinëve shqiptarë në Francë, që synojnë Anglinë dhe të kriminalitetit shqiptar në Francë. Shifrat zyrtare franceze janë tronditëse.

Në vitin 2016 në vend të parë për kërkesa për azil në Francë ishin sudanezët me 5897 kërkesa. Në vend të dytë ishin afganët me 5646 kërkesa, ndërsa në vend të tretë ishin shqiptarët e Republikës së Shqipërisë (pa shqiptarët e tjerë në Kosovë, Maqedoni, Preshevë etj.) me 4601 kërkesa. Është me të vërtet e turpshme, që pas 3 vitesh Rilindje ende shqiptarët të ëkrkojnë azil nëpër Europë. Është edhe më e turpshme dhe e dhimbshme, që për kërkesa për azil të na kalojnë vetëm shtetasit e shteteve në luftra civile dhe okupacion të huaj për thuajse  38 vjet rrjesht si Afganistani. Na e kalojnë edhe shtetasit e Sudanit, që 35 vitet e fundit ka përjetuar urinë me dhjetra mijë të vdekur, luftën civile, që coi në krijimn e shtetit të Sudanit të Jugut si edhe në genocidin në Krahinën e Darfurit.

Shqiptarët madje ua kaluan edhe shtetasve të Sirisë të një vendi në një luftë civile 5 vjecare (2011-2016), të cilët kishin vetëm 3 615 kërkesa për azil në vitin 2016. Le të shresojmë që në janar apo shkurt 2018, kur të bëhen publike shifrat e kërkesave për azil të vitit 2017 shqiptarët të mos meritojnë një kualifikim të tillë të turpshëm si deri tani.

 

Gjergj Thanasi





Lajmet e fundit nga