web counter
LEXO PA REKLAMA!

SHKARKO APP

App Store
Google Play

E fundit!

x

Agjencia për Bashkëqeverisje, lavatriçe e pastrimit të administratës nga LSI-istët

8 Nëntor 2017, 11:43, Aktualitet CNA

Në mbledhjen e tij të fundit Këshilli i Ministrave ka marrë vendimin për krijimin, organizimin dhe funksionimin e Agjencisë për Dialog dhe Bashkëqeverisje, një institucion juridik, publik, në varësi të Kryeministrit. Agjencia ka selinë në Tiranë, ka vulën e stemën e saj?, thuhet në vendimin e qeverisë.

Në shpjegim të rolit që do të ketë kjo Agjenci, burime zyrtare nga kryeministria thanë se krijimi i saj është konkretizimi i premtimit që Edi Rama bëri gjatë fushatës për bashkëqerisje me qytetarët.

Për të argumentuar këtë burimi përmendi faktin se qëllimi i Agjencisë është thithja e problematikave të ardhura nga qytetarët  dhe përcjellja e tyre tek institucionet kompetente për ti dhenë zgjidhje.

?Misioni i Agjencisë përcaktohet në pikën 2 të vendimit, ajo siguron përgjegjshmërinë e institucioneve të administratës publike gjatë ndërveprimit me qytetarët, në platformën elektronike ?Me ty, për Shqipërinë që duam?, duke garantuar që në bashkëpunim me ministritë e linjës dhe institucionet e varësisë, për të gjitha mesazhet, nismat, ankesat apo kërkesat e dërguara, qytetarët të marrin një trajtim e përgjigje në cilësinë dhe kohën e duhur?, tha burimi zyrtar i kryeministrisë, duke iu përmbajtur pikave të vendimit.

Ndërkohë, një tjetër burim konfidencial, po nga kryeministria tha për CityNews se, krahas mbajtjes së premtimit elektoral për bashkëqeverisje, platforma do të shërbejë si mjet për të identifikuar zyrtarët e paaftë dhe të korruptuar. Kjo nëpërmjet thithjes së informacionit të qytetarëve të cilët halli i ka shpënë në dyert e institucioneve.

?Po ta lexosh vendimin në një nga pikat thotë se platforma trajton dhe analizon vlerësimet e qytetarëve për cilësinë e shërbimit të ofruar nga administrata publike?, shpjegon burimi ynë konfidencial, sipas të cilit kjo shërben edhe si një test real për të nxjerrë zbuluar militantët e paaftë e të korruptuar.

?Platforma është test real për të konstatuar dhe pastruar administratën nga militantët e paarsimuar e të paaftë, gjë që, deri më sot, ka qenë e vështirë. Ju pyesni nëse ajo është një platformë për të spastruar përfaqësuesit e LSI-së nga administrate publike? Nuk është krijuar për këtë qëllim, por nuk mund të mohohet se përfaqësuesit e LSI-së, më të tilla tipare negative e sundojnë administratën dhe nëse kjo platformë me pikat e saj i përfshin çrendësi ka nëse është për ta apo jo?, ka vlerësuar burimi konfidencial nga kryeministria,/CityNews





Lajmet e fundit nga